గులకరాయి కేసులో పోలీసులు రాజకీయం చేయబోయి నిండా మునిగిపోయారన్న సెటైర్లు పోలీసు శాఖలోనే వినిపిస్తున్నాయి. ఓ మైనర్ ను ఇరికించడానికి తప్పుల మీద తప్పులు చేశారు. తర్వాత అదే మైనర్ ను అడ్డం పెట్టుకుని ఓ టీడీపీ కార్యకర్త ద్వారా ఏకంగా బొండా ఉమనే అరెస్టు చేయడానికి ప్లాన్ చేశారు. అంతా ఓ ప్రణాళిక ప్రకారం చేశారు. కానీ ఎన్ని కథలు చెప్పినా దొరికిపోవడం ఖాయమని తేలిపోవడంతో చివరి క్షణంలో వాయిదా వేసుకున్నారు.
రిమాండ్ రిపోర్టు మొత్తం తప్పుల తడకగా ఉంది. సాక్షులుగా వైసీపీ నేతలు.. పులివెందులకు చెందిన వ్యక్తిని పెట్టారు. కనీసం రాయి దొరకలేదు. దుర్గారావు అనే వ్యక్తిని తీసుకెళ్లి తప్పుడు స్టేట్ మెంట్ ఇప్పించేందుకు చేసిన ప్రయత్నాలు ఫెయిలయ్యాయి. చివరికి అతన్ని వదిలి పెట్టారు. కనీసం ఆ రాయి విసిరినట్లుగా చెబుతున్న వ్యక్తికి.. ఈ దుర్గారావుకు సంబంధమే లేదు. ఒక వీధిలో ఉన్నప్పటికీ… పెద్దగా తిరగరు. తప్పుడు సాక్ష్యాలు క్రియేట్ చేయాలని చేసిన ప్రయత్నాలూ విఫలమయ్యాయి. ఇప్పటికే డాక్టర్ సర్టిఫికెట్ పేరుతో తప్పుడు బర్త్ సర్టిఫికెట్ ను ప్రధాన నిందితుడి పేరుతో సృష్టించారు.
ఇది సాదా సీదా తప్పుడు కేసు కాదు. ఏకంగా రాజకీయ నేతల మీద చేస్తున్న కుట్ర. రేపు ఎన్నికల్లో అధికారం మారితే వారు ఎందుకు ఊరుకుంటారరు ?. తెలంగాణలో ఏం జరుగుతుందో అందరూ చూస్తున్నారు. అక్కడ ఫోన్ ట్యాపింగ్ కేసు మాత్రమే.. ఇక్కడ అడ్డగోలుగా తప్పుడు కేసులు.. పత్రాలు సృష్టి వంటి పనులకు పాల్పడుతున్నారు. ప్రధాన నిందితుడిపైన కనీస సాక్ష్యం లేకుండా.. అతన్ని బెదిరించి ఇప్పించిన స్టేట్ మెంట్‌నే కోర్టులో ప్రొడ్యూస్ చేయాలనుకుంటున్నారు.
