ప్రభాస్ తో నాగ్ అశ్విన్‌ రూపొందిస్తున్న సైన్స్‌ ఫిక్షన్‌ థ్రిల్లర్‌ ‘కల్కి 2898 ఏడీ’. కమల్‌ హాసన్‌ విలన్‌, బిగ్‌బీ అమితాబ్‌ బచ్చన్‌, దీపిక పదుకొణె, దిశా పటానీ ఇలా భారీతారాగణం వుంది. ఇప్పటికే టీజర్ ఒకటి వదిలారు. పండక్కి విడుదల చేయడానికి సన్నాహాలు చేస్తున్నారు. ప్రస్తుతం పోస్ట్ ప్రొడక్షన్ పనులు జరుగుతున్నాయి.
ఐతే ఇటివలే ఈ సినిమా పుటేజ్ ని కొంత లీక్ అయ్యిందని, వైజయంతీ మూవీస్ సదరు కంపెనీ పై నష్టపరిహారం కేసుని వేస్తున్నారని వార్తలు వచ్చాయి. ఇప్పుడు స్వయంగా నిర్మాణ సంస్థ నుంచి పబ్లిక్ కి లీగల్ ఎలర్ట్ ఒకటి ఇచ్చారు. దీనికి ప్రకారం… ఈ సినిమాలో సర్వ హక్కులు వైజయంతీ మూవీస్ కి వున్నాయి. సినిమాలోని ఏదైనా సీన్స్ ని విజువల్స్ ని, ఫుటేజ్, స్టిల్స్ ని సంస్థ కాకుండా ఎవరైనా షేర్ చేయడం చట్టవిరుద్ధం. అలా పంచుకుంటే కాపీ రైట్ యాక్ట్ కింద శిక్ష కూడా పడుతుంది. సైబర్ పోలీసుల సహకారంతో చట్టపరమైన చర్యలు తీసుకోబడతాయి.
ఇది నిర్మాణ సంస్థ పబ్లిక్ కి ఇచ్చిన నోటీస్. ఈ నోటీస్ లో మరో పాయింట్ కూడా వుంది. ఈ సినిమాకి సంబధించి నిర్మాణ సంస్థ కాకుండా, ఎవరైనా అప్డేట్స్ ఇచ్చినా, గాసిప్స్ రాసిన శిక్షలు వుంటాయి. మొత్తానికి నిర్మాణ సంస్థ తప్పా ఈ సినిమా గురించి ఎవరూ ఏమీ రాయకూడదు, మాట్లాడకూడదు, ఏం షేర్ చేయకూడదు. అది మేటరు.
