అల్ల‌రోడికి మేడ‌మీద ఏం ప‌ని?

అల్ల‌రి న‌రేష్ సినిమా టైటిళ్ల‌న్నీ కాస్త విచిత్రంగా.. ఇంకాస్త ఫ‌న్నీగా ఉంటాయి. టైటిల్‌తోనే స‌గం న‌వ్విస్తుంటాడు న‌రేష్‌. అయితే ఈమ‌ధ్య ఆ న‌వ్వుల హంగామా కాస్త‌త‌గ్గింది. ఇది వ‌ర‌క‌టిలా.. పూర్తి స్థాయిలో న‌వ్వించే క‌థ‌ల కోసం న‌రేష్ విప‌రీతంగా ప్ర‌య‌త్నిస్తున్నాడు. తాజాగా కృష్ణ‌భ‌గ‌వాన్ న‌రేష్ కోసం ఓ క‌థ అందించాడు. అలా ఎలా తో ఆక‌ట్టుకొన్న‌ అనీష్ కృష్ణ ఈ చిత్రానికి ద‌ర్శ‌కుడు. సెప్టెంబ‌రులో ఈ చిత్రం సెట్స్‌పైకి వెళ్ల‌నుంది. ప్ర‌స్తుతం టైటిల్ కోసం వేట సాగిస్తున్నారు. ఈ చిత్రానికి మేడ‌మీద అబ్బాయి అనే టైటిల్ అనుకొంటున్నారు. న‌రేష్ టైటిళ్ల‌న్నీ హీరో క్యారెక్ట‌రైజేష‌న్ చుట్టూనే తిరుగుతాయి కాబ‌ట్టి.. ఈ టైటిల్ కూడా న‌రేష్‌కి బాగా సూట‌వుతుంద‌ని చిత్ర‌బృందం న‌మ్మ‌కం. అతి త్వ‌ర‌లో ఈ టైటిల్‌పై ఓ నిర్ణ‌యానికి వ‌చ్చే అవ‌కాశం ఉంది. ప్ర‌స్తుతం అల్ల‌రి న‌రేష్‌.. సెల్ఫీ రాజా సినిమా ప‌నుల్లో బిజీగా ఉన్నాడు. ఈ నెల‌లోనే ఈ సినిమా ప్రేక్ష‌కుల ముందుకు రానుంది.