‘ధ‌మాకా’తో సూప‌ర్ హిట్టు కొట్టాడు నక్కిన త్రినాథ‌రావు. ఆ సినిమాతో పెద్ద నిర్మాత‌లు, స్టార్‌ హీరోల దృష్టి న‌క్కినపై ప‌డింది. ఇప్పుడు మ‌రో క్రేజీ ప్రాజెక్ట్ సెట్ చేసుకొన్నాడు. ఈ చిత్రానికి రాజేష్ దండా నిర్మాత. ‘నాంది’, ‘ఇట్లు మారేడుమిల్లి నియోజ‌క‌వ‌ర్గం’, ‘సామ‌జ‌వ‌ర‌గ‌మ‌న’ చిత్రాల‌తో నిర్మాత‌గా త‌న అభిరుచి చాటుకొన్నారు రాజేష్. ఇప్పుడు న‌రేష్‌తో ‘బ‌చ్చ‌ల మ‌ల్లి’ తీస్తున్నారు. ‘ఊరు పేరు భైర‌వ కోన’ ఫిబ్ర‌వ‌రి 9న విడుద‌ల‌కు సిద్ధ‌మైంది. ఇప్పుడు నక్కిన త్రినాథ‌రావుకి ఆయ‌న అడ్వాన్స్ ఇచ్చారు. ఈ ప్రాజెక్ట్ కోసం ప్ర‌స‌న్న కుమార్ బెజ‌వాడ ఓ క‌థ సిద్ధం చేశారు. ఇటీవ‌లే స్టోరీ సిట్టింగ్స్ జ‌రిగాయి. స్క్రిప్టు దాదాపు ‘లాక్‌’ చేసేశారు.
ప్రస్తుతం హీరో కోసం అన్వేష‌ణ‌లో ఉంది టీమ్. హీరోలుగా నాగ‌శౌర్య, శ్రీ‌విష్ణు పేర్లు వినిపించాయి. కానీ.. ఇప్పుడు ఈ ప్రాజెక్ట్ మ‌రో హీరో ద‌గ్గ‌ర‌కు వెళ్లింద‌ని తెలుస్తోంది. ఓ యూత్ హీరోతో ఈ సినిమాని సెట్స్‌పైకి తీసుకెళ్ల‌డం దాదాపుగా ఖాయం అయ్యింది. అంతా సెట్ అయితే ఈ సంక్రాంతి త‌ర‌వాత ప్రాజెక్ట్ వివ‌రాలు ప్ర‌క‌టిస్తారు. నక్కిన త్రినాథ‌రావు – ప్ర‌స‌న్న‌కుమార్ కాంబో అన‌గానే హిలేరియ‌స్ ఎంట‌ర్‌టైనర్లే గుర్తొస్తాయి. ఈ సినిమా కూడా అదే జోన‌ర్‌లో ఉండ‌బోతోంది.
