ల‌వ్ స్టోరీల‌కు నాగ‌చైత‌న్య స‌రిగ్గా స‌రిపోతాడు. ఇప్పుడు చందూ మెండేటితో ఓ సినిమా చేస్తున్నాడు. ఇది కూడా ల‌వ్ స్టోరీనే. కాకపోతే.. ఇందులో దేశ‌భ‌క్తిని సైతం మేళ‌వించిన‌ట్టు టాక్‌. ల‌వ్ స్టోరీని ప్లెయిన్‌గా చెబితే స‌రిపోవ‌డం లేదు. ఎగ‌స్ట్రా ఎలిమెంట్స్ ఉండాల్సిందే. అందుకే చందూ మొండేటి ఇంకాస్త కేర్ తీసుకొన్నాడు. 2018లో కొంత‌మంది మ‌త్య‌కారుల జీవితంలో జ‌రిగిన య‌దార్థ ఘ‌ట‌న‌ల్ని ఆధారంగా చేసుకొని ఈ క‌థ‌ని రాసుకొన్నాడు. అందులో ఎమోష‌న్ డ్రామా, ల‌వ్ స్టోరీ, దేశ భ‌క్తీ ఇవ‌న్నీ మేళ‌వించిన‌ట్టు టాక్‌. ఈ సినిమాలో నాగ‌చైత‌న్య ఓ మ‌త్యకారుడిగా క‌నిపించ‌బోతున్నాడు. ఆ పాత్ర కోసం ప్ర‌త్యేకంగా హోమ్ వ‌ర్క్ కూడా మొద‌లెట్టాడు. విశాఖ‌ప‌ట్నం, శ్రీ‌కాకుళం జిల్లాల్లోని మ‌త్య‌కారుల‌తో చైతూ భేటీ అయ్యాడు. 2018లో జ‌రిగిన య‌దార్థ ఘ‌ట‌న‌కు సంబంధించిన విష‌యాలు వాళ్ల నుంచి అడిగి తెలుసుకొన్నాడు. ఈ సినిమాలో చైతూ గెట‌ప్ స‌రికొత్త‌గా ఉండ‌బోతోంద‌ని టాక్‌. అందుకు సంబంధించి త్వ‌ర‌లో లుక్ టెస్ట్ కూడా చేయ‌బోతున్నార్ట. క‌థానాయిక‌గా కీర్తి సురేష్ పేరు ప‌రిశీల‌న‌లో ఉంది. చైతూ – కీర్తి ఇప్ప‌టి వ‌ర‌కూ క‌లిసి న‌టించ‌లేదు. కాబ‌ట్టి అది కొత్త కాంబో అవుతుంది.
చైతూ ప్రేమ‌క‌థ‌లో దేశ‌భ‌క్తి కూడా..!
