నాని జోరుమీదున్నాడు. వ‌రుస‌గా త‌న సినిమాల్ని ప‌ట్టాలెక్కిస్తున్నాడు. ఈ యేడాది నాని నుంచి మూడు సినిమాలొచ్చాయి. నేను లోక‌ల్ ని డిసెంబ‌రులో విడుదల చేయాల‌ని ప్లాన్ చేస్తున్నాడు. ఈలోగా కొత్త క‌థ‌ల‌పై సంత‌కాలు కూడా చేసేస్తున్నాడు. తాజాగా డి.వి.వి. దానయ్య బ్యాన‌ర్‌లో నాని ఓ సినిమా చేయ‌నున్నాడు. ఈ చిత్రానికి శివ అనే ఓ కొత్త కుర్రాడు ద‌ర్శ‌కుడిగా ప‌రిచ‌యం అవుతున్నాడు. ద‌ర్శ‌కుడు ప‌ర‌శురామ్ ద‌గ్గ‌ర స‌హాయ‌కుడిగా వ‌ర్క్ చేశాడు శివ. సోలో, సారొచ్చారు చిత్రాల్లో శివ హ్యాండ్ కూడా ఉంది. నాని కోసం ఓ క‌థ రెడీ చేసి యేడాదిగా ప‌డిగాపులు కాస్తున్నాడు. చివ‌రికి నాని గ్రీన్ సిగ్న‌ల్ ఇవ్వ‌డంతో ఈ సినిమా ప‌ట్టాలెక్క‌బోతోంది. ప్ర‌స్తుతం క‌థానాయిక, ఇత‌ర సాంకేతిక నిపుణుల ఎంపిక జ‌రుగుతోంది. త్వ‌ర‌లోనే ఈ కాంబినేష‌న్ గురించిన ఓ అధికారిక ప్ర‌క‌ట‌న వెలువ‌డే అవ‌కాశం ఉంది.
మ‌రోవైపు ప‌ర‌శురామ్ కూడా నానితో ఓ సినిమా చేయ‌డానికి వ‌ర్క‌వుట్ చేస్తున్నాడు. ఇది వ‌ర‌కే నాని కోసం ప‌ర‌శురామ్ ఓ క‌థ త‌యారు చేసుకొన్నాడ‌ట. అల్లు అర‌వింద్ బ్యాన‌ర్‌లోనే ఈ సినిమాని ప‌ట్టాలెక్కించాల‌ని చూస్తున్నాడు. శ్రీ‌ర‌స్తు – శుభ‌మ‌స్తుతో ఫామ్ లోకి వ‌చ్చిన ప‌ర‌శురామ్ నానిని ప‌డితే… బంప‌ర్ ఆఫ‌ర్ చేజిక్కిన‌ట్టే. నాని కోసం గురు శిష్యులిద్ద‌రూ ట్ర‌యిల్ వేస్తుంటే ఆ ఆఫ‌ర్ ముందుగా శిష్యుడ్ని వ‌రించ‌డం విశేషం. మ‌రి గురువుగారి ఛాన్స్ ఎప్పుడొస్తుందో?
