ప్రభాస్ ఫ్యాన్స్ కి ఇది నిజంగా స్వీట్ అండ్ షాకింగ్ న్యూసే. యంగ్ రెబల్ స్టార్ ని మళ్ళీ వెండితెరపై చూడాలంటే ‘బాహుబలి 2’ వచ్చే వరకూ ఆగాల్సిన పని లేదు. ఈలోగానే సిల్వర్ స్క్రీన్ పై ప్రభాస్ సందడి చేయనున్నాడు. సూర్య నటించిన చిత్రం సింగం 3. తొలి రెండు భాగాలూ సూపర్ హిట్ అయ్యాయి. త్వరలోనే పార్ట్ 3 వస్తోంది. సింగం 3 లో ప్రభాస్ కూడా కనిపించబోతున్నట్టు తెలిసింది. ఓ గెస్ట్ రోల్ కోసం తెలుగులో ఓ అగ్రహీరో కనిపిస్తే బాగుంటుందని చిత్ర బృందం భావించింది. అందులో భాగం గానే ప్రభాస్ ని సంప్రదించినట్టు తెలుస్తోంది. ప్రభాస్ కూడా అందుకు సానుకూలంగా స్పందించినట్టు సమాచారం. ప్రభుదేవా సినిమా యాక్షన్ జాక్సన్ లో ప్రభాస్ గెస్ట్ అవతారం ఎత్తాడు. ఓ షాట్ లో స్టెప్ వేసి వచ్చేసాడు. మళ్ళీ గెస్ట్ రోల్ లో కనిపించడం ఇదే.
ఐతే సింగం 3 లో కనిపించడానికి రాజామౌళి పచ్చ జెండా ఊపాల్సి వుంది. సూర్య అంటే రాజమౌళి కి ప్రత్యేకమైన అభిమానం. సూర్య ఆడియో వేడుకలకు జక్కన్న కూడా హాజరు అవుతాడు. అందుకే సూర్య కోసమైనా జక్కన గ్రీన్ సిగ్నల్ ఇవ్వడం ఖాయం అనిపిస్తోంది. ప్రభాస్ కనుక సింగం 3 లో ఎంట్రీ ఇస్తే ఈ సినిమా రేంజే వేరే స్థాయిలో ఉంటుంది.