ఎన్టీఆర్ భీక‌ర‌మైన ఫామ్‌లో ఉన్నాడిప్పుడు. ఎన్టీఆర్ విజృంభిస్తే ఎలా ఉంటుందో జ‌న‌తా గ్యారేజ్‌తో అర్థ‌మైంది. ఈ సినిమా వంద కోట్లు దాటి టాప్ 3 గ్రాస‌ర్ లిస్టులో చోటు సంపాదించింది. ఎన్టీఆర్ త‌దుప‌రి సినిమా ఎవ‌రితో అన్న‌దే ప్ర‌శ్న. అంద‌రి కంటే ముందు వ‌రుస‌లో పూరి జ‌గ‌న్నాథ్ రెడీ గా ఉన్నాడు. ఎన్టీఆర్ – పూరిల బాండింగ్ సమ్ థింగ్ స్పెష‌ల్‌. ఆంధ్రావాలా డిజాస్ట‌ర్ అయినా, టెంప‌ర్‌తో ఎన్టీఆర్‌కి స‌రికొత్త హోప్ ఇచ్చాడు పూరి. టెంప‌ర్‌తోనే ఎన్టీఆర్ ఆలోచ‌నా ధోర‌ణి మారింది. అందుకే.. ఎన్టీఆర్ క‌న్‌స‌ర్న్ పూరిపైనే ఎక్కువ ఉండే అవ‌కాశాలున్నాయి. అయితే ప్ర‌స్తుతం ఎన్టీఆర్ సెంటిమెంట్స్ కు లొంగ‌క‌పోవొచ్చు. ఎవ‌రు క‌థ‌తో మెప్పిస్తారో వాళ్ల‌కే ఓటేసే అవ‌కాశాలున్నాయి. ఈ విష‌యం పూరికి కూడా బాగా తెలుసు. అందుకే త‌న ఏర్పాట్ల‌లో తానున్నాడు.
ప్ర‌స్తుతం ఎన్టీఆర్ కోసం పూరి క‌థ సిద్దం చేస్తున్నాడు. అయితే ఓ క‌థ కాదు.. రెండు క‌థ‌లు. జ‌న‌తా గ్యారేజ్‌కంటే ముందు ఎన్టీఆర్‌కి ఓలైన్ వినిపించాడు పూరి. దానికి ఎన్టీఆర్ ఫిదా అయిపోయాడు. ఆ లైన్ ప‌నిలోనే పూరి ఉన్నాడిప్పుడు. లైన్లు విన‌డానికి బాగుంటాయి. క‌థ‌గా మారే ప్ర‌య‌త్నంలో ఆ ఇంపాక్ట్ త‌గ్గొచ్చు. అందుకే పూరి కూడా… ఆల్ట్ర‌నేటీవ్ గా మరో క‌థ సిద్దం చేస్తున్నాడ‌ట. ఈ రెండింటిలో ఒక‌దాన్ని ఓకే చేయించుకొనే ఉద్దేశంలో ఉన్నాడ‌ట. ప్ర‌స్తుతం పూరి పొజీష‌న్ కూడా క్రిటిక‌ల్‌గానే ఉంది. ఈమ‌ధ్య కాలంలో టెంప‌ర్‌ని మిన‌హాయిస్తే మంచి సినిమా ఏదీ పూరి నుంచి రాలేదు. అందుకే.. ఓ స్టార్ హీరోతో సినిమా చేసి, హిట్టుకొట్టి మళ్లీ ఫామ్ లోకి రావాల‌నుకొంటున్నాడు. ఎన్టీఆర్‌తో సినిమా చేస్తే ఆ రేంజ్ ఎలా ఉంటుందో పూరికి బాగా తెలుసు. అందుకే ఈ అవ‌కాశాన్ని వ‌ద‌లుకోవాల‌నుకోవ‌డం లేదు. ఓ క‌థ కాకపోతే, మరో క‌థ‌తో మెప్పించ‌డానికి పూరి త‌హ‌త‌హ‌లాడుతున్నాడు. అందుకే.. అద‌న‌పు అస్త్రాల‌ను సిద్దం చేస్తున్నాడు. ఈ రెండు క‌థ‌ల్లో ఎన్టీఆర్ దేనికి ఓకే చేస్తాడో చూడాలి.
