మెగా బ్రదర్ నాగబాబు తనయుడు వరుణ్ తేజ్ ముకుంద సినిమాతో టాలీవుడ్ ఎంట్రీ ఇచ్చాడు. ఇక తన రెండో ప్రయత్నంగా క్రిష్ దర్శకత్వంలో కంచె అంటూ వచ్చి విమర్శకుల ప్రశంసలను అందుకున్నాడు. అయితే కంచె సినిమాతో వచ్చిన క్రేజ్ కాస్త కమర్షియల్ పంథాలో వచ్చిన లోఫర్ తో పోగొట్టుకున్నాడు. మాస్ ఇమేజ్ కోసం వరుణ్ తేజ్ లోఫర్ ప్రయత్నం పర్వాలేదనిపించినా సినిమా మాత్రం నిరాశ పరచిందని చెప్పాలి. ఇక క్రిష్ తో తీసే మరో సినిమా రాయబారి కూడా అర్ధాంతరంగా ఆగిపోయింది.
ప్రస్తుతం వరుణ్ తేజ్ వెంకీ అట్లూరి ‘ఫీల్ మై లవ్’ సినిమా ఒక్కటే చేస్తున్నాడు. ఇది సెట్స్ మీదకు రాకముందే మరో సినిమాకు రంగం సిద్ధం చేస్తున్నాడట మెగా హీరో. ప్రస్తుతం ఫ్లాపుల్లో ఉన్న శ్రీనువైట్ల ఓ లవ్ స్టోరీతో వరుణ్ తేజ్ ను కలిశాడట. మంచి హిట్ కొట్టాక మళ్లీ స్టార్ హీరోల వైపు చూడకూడదు అనుకున్నాడు శ్రీనువైట్ల. అందుకే వరుణ్ తేజ్ తో సినిమాకు సిద్ధమయ్యాడు.
ఫీల్ మై లవ్ సినిమా స్టార్ట్ అయిన కొద్దిరోజులకే శ్రీనువైట్ల సినిమా కూడా స్టార్ట్ అవనుందని సమాచారం. అయితే దీని గురించి అధికారిక ప్రకటన త్వరలో రానుంది. ఇక ఈ సినిమా మిగతా స్టార్ కాస్ట్ ఎవరన్నది త్వరలో వెళ్లడయ్యే అవకాశం ఉంది.
