తమన్నా డాన్సుల గురించి ప్రత్యేకంగా చెప్పేదేముంది? ప్రభుదేవా ఇండియన్ మైఖైల్ జాక్సన్ అయితే.. తమన్నా లేడీ ప్రభుదేవా. స్టార్ హీరోలందరితోనూ పోటీ పడి చిందులేసింది మిల్కీ బ్యూటీ. ఇప్పుడు అభినేత్రి సినిమాలోనూ తమన్నా అదిరిపోయే స్టెప్పులేసింది. డాన్సుల్లో తన సూపర్ మాజిక్కి సీక్రెట్ ఏంటో చెప్పేసింది తమ్మూ. డాన్సుల్లో తన గురువు ప్రభుదేవానే అంటోంది. అభినేత్రి ఆడియో ఫంక్షన్ ఆదివారం రాత్రి హైదరాబాద్లో జరిగింది. ఈ సందర్భంగా తమన్నా మాట్లాడుతూ తన డాన్సింగ్ సీక్రెట్ ని చెప్పింది.
తమన్నా మాట్లాడుతూ ”డాన్స్ చేసినప్పుడల్లా నేను ప్రభుదేవా సార్ని గుర్తుపెట్టుకొంటాను. చిన్నప్పటి నుంచీ నేను ఏదో ఓ పనిచేస్తూనే ఉన్నా. నేర్చుకోవడానికి సమయమే దొరకలేదు. తొలిసారి ఈ సినిమా ద్వారా డాన్స్ నేర్చుకొన్నా. అదీ ప్రభుదేవా సార్ నుంచే. ఈ విషయంలో నాకు ఆయనే గురువు. ఇక నుంచి మరింత కష్టపడి డాన్సులు చేస్తా” అంది. ‘అభినేత్రి’లో తాను డ్యూయెల్ రోల్ చేసినట్టు చెప్పేసింది తమన్నా. కేవలం 15 నిమిషాల్లో ఈ కథ విని ఒప్పుకొందట. అంత బాగా నచ్చేసిందట. ఈ సినిమా తీసిన కోన వెంకట్ని బోలెడన్ని డబ్బులు రావాలని, ఆ డబ్బులు లెక్కపెట్టలేక బ్యాంకులు కూడా బాబోయ్ అనాలని చమత్కరించింది తమ్మూ. అభినేత్రిలో తమన్నా డాన్సులు, ట్రైలర్ చూస్తుంటే నిజంగానే ఈ సినిమా హిట్టు కొట్టేసినట్టే ఉంది.