సినిమా ప‌రిశ్ర‌మ హిట్ చుట్టూనే తిరుగుతుంటుంది. వ‌రుస హిట్టిచ్చిన ద‌ర్శ‌కుడైనా స‌రే, ఓ ఫ్లాప్ వ‌చ్చిందంటే… అత‌డ్నుంచి ఆమ‌డ దూరం పారిపోతుంటారు. అలాంటిది వ‌రుస‌గా రెండు ఆణిముత్యాల్లాంటి అట్ట‌ర్ ఫ్లాప్‌లు ఇచ్చాడు శ్రీ‌నువైట్ల. ఆగ‌డు, బ్రూస్లీ దెబ్బ‌కు శ్రీ‌నువైట్ల అంటేనే నిర్మాత‌లు, హీరోలూ భ‌య‌ప‌డిపోతున్నారు. శ్రీ‌ను పై ఉన్న గౌర‌వంతో కొంత‌మంది హీరోలు క‌థ‌లు విన‌డానికి ఒప్పుకొన్నా… – సినిమా ప‌ట్టాలెక్కించ‌డానికి మ‌రీ మొహ‌మాట ప‌డుతున్నారు. ‘ఇప్పుడు కాదులే సీను… త‌ర‌వాత చూద్దాం’ అంటూ లైట్ తీసుకొంటున్నారు. తాజాగా.. బ‌న్నీ కూడా శ్రీ‌నువైట్ల‌కు అలానే చెప్పాడ‌ట.
బ్రూస్లీ త‌ర‌వాత ఓ అర‌డజ‌ను క‌థ‌లు సిద్ధం చేసుకొన్నాడు శ్రీ‌నువైట్ల. ఓ ప‌దిమంది హీరోల చుట్టూ తిరిగి ఉంటాడు. బ‌న్నీ కోసం కూడా ఓ క‌థ రెడీ చేసి వినిపించాడు. దూకుడు టైమ్‌లో శ్రీ‌నువైట్ల క్రేజ్ చూసిన బ‌న్నీ.. ‘నీతో ఓ సినిమా చేయాల‌నివుంది’ అని అప్ప‌ట్లోనే చెప్పాడ‌ట. అప్పుడు చెప్పాడు క‌దా అని ఇప్పుడు ఓ క‌థ వినిపించ‌డానికి ప్ర‌య‌త్నించాడు శ్రీ‌ను. బ‌న్నీ కూడా మొహ‌మాటం కొద్దీ క‌థ విన్నాడ‌ట. కానీ.. బ‌న్నీ నుంచి కూడా అదే మాట. ”ఇప్పుడు ఖాళీ లేదు భ‌య్యా.. ఓ రెండేళ్లు ఆగు” అన్నాడ‌ట సింపుల్‌గా! ఇండ్ర‌స్ట్రీలో ‘రేపు చూద్దాం’ అంటేనే అతీ గ‌తీ ఉండ‌దు. రెండేళ్ల వ‌ర‌కూ అదే స్ర్కిప్టు పట్టుకొని శ్రీ‌ను కూర్చుంటాడా..? భ‌లేవాడివి బ‌న్నీ..!
