చిరంజీవి మూడ్ పూర్తిగా సినిమాల‌వైపు ట‌ర్న్ అయ్యింది. 150వ సినిమా చేయాలా, వ‌ద్దా.. చేస్తే ఎవ‌రితో అనే విష‌యాల్ని నాలుగేళ్లు ఆలోచించిన చిరు 151వ సినిమా కోసం మాత్రం ముందు నుంచీ జాగ్రత్త ప‌డిపోతున్నాడు. 151వ సినిమా గీతా ఆర్ట్స్‌లో అన్నది ఎప్పుడో ఖాయ‌మైపోయింది. అందుకోసం క‌థ‌లు వినే బాధ్యత చిరు.. అల్లు అర‌వింద్‌కి అప్పగించాడు. అర‌వింద్ కూడా నెల రోజులు నుంచీ అదే ప‌నిలో ఉన్నాడు. చివ‌రాఖ‌రికి బోయ‌పాటితో సెట్టయ్యింది. స‌రైనోడుతో గీతా ఆర్ట్స్ కి భారీ విజ‌యాన్ని అందించిన బోయపాటినే చిరు 151వ సినిమాకి ద‌ర్శకుడిగా ఫిక్సయ్యాడు. రెండ్రోజుల క్రితం అర‌వింద్‌కి బోయ‌పాటి ఓ లైన్ చెప్పార‌ట. అది అర‌వింద్‌కి బాగా న‌చ్చింద‌ని, వెంట‌నే చిరుతో భేటీ వేశార‌ని తెలుస్తోంది.
మంగ‌ళ‌వారం రాత్రి బోయ‌పాటి – చిరు – అల్లు అర‌వింద్‌ల మ‌ధ్య ఈ క‌థ గురించి గంట‌సేపు చ‌ర్చ న‌డిచింద‌ని, బోయ‌పాటి చెప్పిన లైన్ చిరుకీ బాగా న‌చ్చింద‌ని తెలుస్తోంది. 151వ సినిమాగా దాన్నే ఫిక్స్ చేసిన చిరు లైన్‌కి స్ర్కిప్టుగా మార్చే ప‌నిలో ఉండ‌మ‌ని బోయపాటికి సూచించాడ‌ట. అందుకు సంబంధించిన అడ్వాన్సులు కూడా ఇచ్చి పుచ్చుకోవ‌డం జ‌రిగిపోయాయి. బెల్లంకొండ శ్రీ‌నివాస్ – బోయ‌పాటి శ్రీ‌ను కాంబినేష‌న్‌లో ఓ సినిమా త్వర‌లోనే ప‌ట్టాలెక్కబోతోంది. అది పూర్తయిన వెంట‌నే చిరు – బోయ‌పాటిల సినిమా మొద‌ల‌య్యే అవ‌కాశాలు కనిపిస్తున్నాయి. ప‌వ‌న్ – దాస‌రి సినిమాకు బోయ‌పాటి నో చెప్పి, వెంట‌నే చిరుతో సై అన‌డం మెగా ఫ్యాన్స్‌ని ఆశ్చర్యంలో ముంచెత్తే అంశ‌మే.
