కాజల్ – ఛోటా ముద్దు సీను టాలీవుడ్లో ప్రకంపనాలే సృష్టించింది. ఛోటా వేదికపై అలా చేసి ఉండకూడదని కొంతమంది అంటుంటే – చేసిన ఈ పనికి తనని టాలీవుడ్లోనే తిరక్కుండా చేయాలిని.. ఇంకొంతమంది గట్టిగానే ధ్వజం ఎత్తుతున్నారు. ఇంకొంతమందైతే.. `చిన్న విషయానికి ఇంత పెద్ద రాద్ధాంతం చేస్తారెందుకు` అని లైట్ తీసుకుంటున్నారు. ఏదైమైనా గడిచిన రెండు రోజుల్లో ఛోటా కె.నాయుడు చేసిన చిలిపి పని టాక్ ఆఫ్ ది టౌన్ అయిపోయింది. దాంతో చోటా కూడా స్పందించక తప్పలేదు. కాజల్తో తనచు చాలా చనువు ఉందని, తనతో చాలా సినిమాలకు పనిచేశానని, తనని ఓ ఫ్రెండులా చూస్తానని, కాజల్ కూడా తనని కుటుంబ సభ్యుడిగా భావిస్తుందని, అందుకే.. ఆ చనువుతోనే ముద్దు పెట్టానని, అంతకు మించిన దురుద్దేశ్యాలేం లేవని స్పష్టం చేశాడు ఛోటా కె.నాయుడు. సెట్లో కెమెరామెన్కీ – కథానాయికకీ ఓ కెమిస్ట్రీ వర్కవుట్ అవుతూ ఉంటుంది.వాళ్లిద్దరి మధ్య అనుబంధం కూడా బాగుండాలి. లేదంటే… తెరపై కథానాయిక గ్లామర్ ఎలివేట్ అవ్వదు. ఆ అనుబంధాన్ని తెర వెనుక వరకూ పరిమితం చేసుకుంటూ ఓకే. ఇలా వేదికపై కి తీసుకొస్తేనే ఇబ్బందిగా ఉంటుంది. మొత్తానికి తాను ఏం చేశాడో, అందుకు ఎలాంటి రియాక్షన్లు వస్తున్నాయో… ఛోటా గమనించే అవకాశం దక్కింది. ఇక నుంచి ఇలాంటివి రిపీట్ చేయకుండా చూసుకుంటే మంచిది.