క‌రోనా ఎఫెక్ట్ అంత‌కంత‌కూ ఎక్కువ‌వుతోంది. చాలా చోట్ల థియేట‌ర్లు మూత‌బ‌డుతున్నాయి. కేర‌ళ‌లో ఇప్ప‌టికే ‘బొమ్మ’ ప‌డ‌డం లేదు. క‌లెక్ట‌రు ఆదేశాల మేర‌కు నెల్లూరులోని థియేట‌ర్లు మూసి వేశారు. ఇప్పుడు పీవీఆర్ సినిమాస్ కీలక నిర్ణ‌యం తీసుకుంది. క‌రోనా ప్ర‌భావం త‌గ్గేంత వరకూ పీవీఆర్ మ‌ల్టీప్లెక్స్‌ల‌ను తాత్కాలికంగా మూసి వేయాల‌ని యాజ‌మాన్యం నిర్ణ‌యించుకుంది. దిల్లీ, ఉత్త‌రాఖాండ్‌, జ‌మ్మూ – క‌శ్మీర్‌ల‌లో థియేట‌ర్లకు ఇప్ప‌టికే తాళాలు వేశారు. త్వ‌ర‌లోనే తెలుగు రాష్ట్రాల‌లోనూ ఈ నిర్ణ‌యం అమ‌లుకానుంది. హైద‌రాబాద్‌, విశాఖ, విజయవాడ, తిరుప‌తి లాంటి ప్ర‌ధాన న‌గ‌రాల్లో ముందు జాగ్ర‌త్త చ‌ర్య‌గా మ‌ల్టీప్లెక్స్‌ల‌ను మూసేస్తే మంచిద‌ని తెలుగు ప్ర‌భుత్వాలు భావిస్తున్నాయి. ఈ మేర‌కు ఆయా జిల్లాల క‌లెక్ట‌ర్లు ఉత్త‌ర్వులు జారీ చేసే అవ‌కాశం క‌నిపిస్తోంది.
