స్క్రిప్టు వ‌ర్క్‌లో క్రిష్ బిజీ

ఇదివ‌ర‌కెప్పుడూ లేనంత ఒత్తిడిలో ఉన్నాడు క్రిష్‌. ఎన్టీఆర్ బ‌యోపిక్‌లో రెండు భాగాలూ ప‌ల్టీ కొట్టాయి. దాంతో పాటు… మ‌ణిక‌ర్ఱిక కూడా వివాదాల‌లో చిక్కుకుంది. ఆ సినిమా విష‌యంలో వ‌చ్చిన ఆ కొంచెం క్రెడిట్ కూడా కంగ‌నా ర‌నౌత్ ప‌ట్టుకెళ్లిపోయింది. ఇప్పుడు త‌న త‌దుప‌రి సినిమా విష‌యంలో త‌ర్జ‌న భ‌ర్జ‌న‌లు ప‌డుతున్నాడు. త‌న ఆస్థాన ర‌చ‌యిత బుర్రా సాయిమాధ‌వ్‌తో క‌ల‌సి.. స్క్రిప్టు ప‌నులు మొద‌లెట్టారు. క్రిష్ బాలీవుడ్‌లో ఓ సినిమా చేయ‌నున్నాడ‌ని, ఆ త‌ర‌వాతే… తెలుగు సినిమా గురించి ఆలోచిస్తాడ‌ని ప్ర‌చారం జ‌రిగింది. ఇప్పుడు మాత్రం క్రిష్ తెలుగు సినిమాపైనే దృష్టి పెట్టాడ‌ని స‌మాచారం. ఓ అగ్ర క‌థానాయ‌కుడి కోసం క్రిష్ ఓ స్క్రిప్టు త‌యారు చేస్తున్నాడ‌ని, పూర్తి స్థాయిలో క‌థ సిద్ధ‌మైన త‌ర‌వాత‌.. ఆ క‌థ‌ని ఆ హీరోకి వినిపిస్తాడ‌ని స‌మాచారం. స్క్రిప్టు ప‌నులు ఓ కొలిక్కి రావ‌డానికి క‌నీసం నెల రోజులైనా ప‌డుతుంద‌ని తెలుస్తోంది. ఆ త‌ర‌వాతే.. క్రిష్ సినిమాలో హీరో ఎవ‌ర‌న్న విష‌యంలో ఓ స్ప‌ష్ట‌త వ‌స్తుంది.