ఇండ్ర‌స్ట్రీ ఎప్పుడూ అంతే! హిట్ వ‌స్తే చాలు… ఇక్క‌డ ఓడ‌లు బ‌ళ్లు… బ‌ళ్లు ఓడ‌లు అవ్వ‌డానికి రెడీగా ఉంటాయి. హిట్ అనే ప‌దం విన‌గానే.. జ‌నాలు మూగిపోతారు. ఇప్పుడు రామ్ ప‌రిస్థితి కూడా అంతే. నిన్నా మొన్న‌టి వ‌ర‌కూ రామ్‌కి హిట్టు లేదు. నేను శైల‌జ.. రామ్ కెరీర్‌కి స‌రికొత్త ఊపు తెచ్చింది. దాంతో.. రామ్‌కి మ‌ళ్లీ క్రేజ్ పెరిగిపోయింది. రామ్‌కోసం కొత్త క‌థ‌లు సిద్ద‌మ‌వుతున్నాయి. ప్ర‌స్తుతం సంతోష్ శ్రీ‌నివాస్ తో ఓ సినిమా చేస్తున్నాడు రామ్. గోపీచంద్ మ‌లినేని కూడా రామ్‌కోసం ఓ క‌థ రెడీ చేశాడ‌ట. రామ్‌తో ఇది వ‌ర‌కు ఎందుకంటే ప్రేమంటే సినిమా చేసిన క‌రుణాక‌ర‌న్ ఆల్రెడీ రామ్‌కి ఓ లైన్ చెప్పి ఓకే చేయించుకొన్నాడు. ఇప్పుడు మ‌రో ద‌ర్శ‌కుడు క్యూలో నిల‌బ‌డ్డాడు,
ప‌టాస్ తో తొలి అడుగులోనే గుర్తింపు తెచ్చుకొన్నాడు అనిల్ రావిపూడి. సుప్రీమ్ తో మ‌రో హిట్ కొట్టాడు. ఎంట‌ర్ టైన్ మెంట్ పోర్ష‌న్ బాగా రాస్తాడ‌ని అనిల్‌కి పేరుంది. అలాంటి క‌థ‌ల‌కు రామ్ స‌రిగ్గా స‌రిపోతాడు. అందుకే ఇప్పుడు రామ్ కి ఓ క‌థ రాసి, సిద్ధం చేశాడ‌ట. రామ్‌కీ ఈ క‌థ బాగా న‌చ్చింద‌ని టాక్‌. మ‌రి వీళ్లంద‌రికీ రామ్ ఎలా డేట్లు స‌ర్దుబాటు చేస్తాడో చూడాలి.
