`సోగ్గాడే చిన్నినాయిన` కి ప్రీక్వెల్ గా రాబోయే సినిమా.. `బంగార్రాజు`. ఇందులో నాగార్జున‌తో పాటుగా.. నాగ‌చైత‌న్య కూడా న‌టిస్తున్న సంగ‌తి తెలిసిందే. చైతూ ప‌క్క‌న క‌థానాయిక‌గా కృతి శెట్టి ఖ‌రారు అయ్యింద‌న్న‌ది టాలీవుడ్ టాక్‌. ఈ సినిమా కోసం ఆమెకు భారీ మొత్తంలో పారితోషికం కూడా ఇచ్చార‌ని చెప్పుకున్నారు. అయితే.. ఈ సినిమాలో హీరోయిన్‌ని ఇంకా ఖ‌రారు చేయ‌లేద‌ని తెలుస్తోంది. “కృతి శెట్టిని అనుకున్న మాట నిజ‌మే. కానీ ఇంకా సంప్ర‌దింపుల్లోనే ఉన్నాం. ఇంకా ఎవ‌రినీ ఫైన‌ల్ చేయ‌లేదు“ అని చిత్ర‌బృందంలోని ఓ కీల‌క‌మైన స‌భ్యుడు తెలిపారు. కృతిని సంప్ర‌దించినా, ఆమె అడిగినంత పారితోషికం ఇస్తామ‌న్నా.. కృతి ఇంకా త‌న నిర్ణ‌యాన్ని చెప్ప‌లేద‌ట. త‌న కాల్షీట్లు ఇంకా స‌ర్దుబాటు కావ‌డం లేద‌ని. బంగార్రాజు షూటింగ్ షెడ్యూల్, అందులో నాగ‌చైత‌న్య డేట్లు.. ఖ‌రారు అయ్యేంత వ‌ర‌కూ.. కృతి కాల్షీట్ల విష‌యంలో ఓ నిర్ణ‌యానికి రాలేరు. అందుకే కృతి ఈ ప్రాజెక్టుని ఇంకా హోల్డ్ లోనే పెట్టిన‌ట్టు తెలుస్తోంది. కాల్షీట్లు కుదిరితే.. ఓకే. లేదంటే మ‌రో క‌థానాయిక ని చూసుకోవాలి. క‌ల్యాణ్ కృష్ణ ద‌ర్శ‌క‌త్వం వ‌హించే ఈ చిత్రాన్ని అన్న‌పూర్ణ స్టూడియోస్ సంస్థ నిర్మిస్తోంది. ర‌మ్య‌కృష్ణ కీల‌క పాత్ర‌ధారి.
బంగార్రాజులో.. కృతి ఖ‌రారు కాలేదా?
