మంచు మోహన్ బాబు, ఆయన కుమారుడు మంచు విష్ణు… వైఎస్ఆర్ కాంగ్రెస్ పార్టీలో చేరారు. హైదరాబాద్‌లోని జగన్ నివాసం లోటస్‌పాండ్‌లో మోహన్‌బాబుతో పాటు.. ఆయన కుమారుడు విష్ణుకు.. కండువా కప్పి… పార్టీలోకి ఆహ్వానించారు జగన్మోహన్ రెడ్డి. ఫీజు రీఎంబర్స్‌మెంట్ పేరుతో.. గత వారం… చంద్రబాబుపై తీవ్రమైన ఆరోపణలు చేశారు మోహన్ బాబు. వైసీపీ కోసమే.. ఆయన ఇలా చేస్తున్నారని… ఎన్నికలకు ముందు ఇలా చేయడం ఏమిటన్న విమర్శలు టీడీపీ నుంచి వచ్చాయి. ఆయన చెప్పినట్లుగా.. ఫీజు రీఎంబర్స్‌మెంట్ ఒక్క రూపాయి కూడా ఇవ్వలేదన్నది అబద్దమని.. ప్రభుత్వం రికార్డులు బయట పెట్టింది. ప్రభుత్వం మాత్రం నాలుగేళ్లలో రూ. 90 కోట్లు మోహన్‌బాబుకు చెందిన నాలుగు కాలేజీలు డ్రా చేసుకున్నాయని రికార్డులు మీడియాకు ఇచ్చింది.
ఆ తర్వాత ఈ నిధుల అంశంపై.. చర్చించని.. మోహన్ బాబు.. తన విద్యాసంస్థలపై కుట్ర జరుగుతోందని.. ఆరోపించారు. తనను రెచ్చగొడితే చంద్రబాబు బండారం బయట పెడతానని లేఖ విడుదల చేశారు. అదే సమయంలో.. ఫీజు రీఎంబర్స్‌మెంట్‌పై .. చర్చకు రావాలని ఏపీ ప్రణాళికా సంఘం ఉపాధ్యక్షుడు కుటుంబరావు చేసిన సవాల్‌పై మాత్రం స్పందించలేదు. కానీ.. అనూహ్యంగా జగన్మోహన్ రెడ్డిని కలిసి.. ఆ పార్టీలో చేరిపోయారు. నిజానికి ఈ సారి ప్రత్యక్ష రాజకీయాల్లోకి వచ్చి తాను కానీ.. తన బిడ్డల్లో ఒకరు కానీ… పోటీ చేయాలని అనుకున్నారు. దాని కోసం. వైఎస్ఆర్ కాంగ్రెస్ పార్టీతో సన్నిహిత సంబంధాలు కొనసాగించారు. మనోజ్‌కు ఆరు నెలల ముందుగానే .. తిరుపతికి పంపారు. ఓ సందర్భంలో.. నెల్లూరు జిల్లాలోని వెంకటగిరి సీటును జగన్ ..మోహన్‌బాబుకు ఇస్తారని ప్రచారం జరిగింది. అయితే.. చివరికి ఏ టిక్కెట్ ఇవ్వలేదు.
అయితే… వైసీపీ వ్యూహంలో భాగంగా.. ఫీజు రీఎంబర్స్‌మెంట్‌పై.. ఆందోళన చేశారు. దాని కోసం.. విద్యార్థుల్ని రోడ్డుపైకి తెచ్చారు. దీంతో తీవ్ర విమర్శలను ఎదుర్కొన్నారు. ఇప్పుడు… ముద్ర పడిపోయింది కాబట్టి.. విడిగా ఉండటం కన్నా… వైసీపీలో ఉండటం బెటరని భావించినట్లు తెలుస్తోంది. నిజానికి.. జగన్‌తో మోహన్‌బాబు కుటుంబానికి బంధుత్వం ఉంది. వైఎస్ రాజశేఖర్ రెడ్డి సోదరుల్లో ఒకరైన వైఎస్ సుధీకర్ రెడ్డి కుమార్తె వెరోనికాను.. మంచు విష్ణు పెళ్లి చేసుకున్నారు. అప్పట్నుంచి వారి మధ్య బంధం బలపడింది. చివరికి అధికారికంగా.. వైసీపీలో చేరిపోయారు. ఎన్టీఆర్ టైంలో.. ఓ సారి టీడీపీ తరపున రాజ్యసభ సభ్యత్వం దక్కించుకున్న మోహన్ బాబు.. ఆ తర్వాత టీడీపీకి దూరమయ్యారు.
