ఎన్టీఆర్ మ‌న‌వ‌డిగా, బాల‌కృష్ణ త‌న‌యుడిగా, నంద‌మూరి వార‌సుడిగా మోక్ష‌జ్ఞ తెరంగేట్రం ఎప్పుడు? అంటూ నంద‌మూరి అభిమానులు ఆస‌క్తిగా ఎదురుచూస్తున్నారు. అన్నీ అనుకున్న‌ట్టే జ‌రిగితే.. ఈ యేడాదే మోక్ష‌జ్ఞ ఎంట్రీ ఉండేది. కానీ.. మోక్ష‌జ్ఞ మాత్రం కాస్త స‌మ‌యం అడిగిన‌ట్టు స‌మాచారం. త‌న‌ని బాగా ఇంప్రెస్ చేసిన క‌థలేవీ రాలేన‌ద్న కార‌ణంతోనే మోక్షూ అరంగేట్రం ఆల‌స్యం అవుతోంది. అయితే మోక్ష‌జ్ఞ కోసం క్రిష్ క‌థ‌ల్ని రాసుకుంటూనే ఉన్నారు. అందులో ఏదో ఒక‌టి ఓకే అయిపోవ‌డం ఖాయంగా కనిపిస్తోంది. ప్ర‌స్తుతం ఎన్టీఆర్ బ‌యోపిక్‌తో క్రిష్ బిజీగా ఉన్నారు. కాబ‌ట్టి… మోక్ష‌జ్ఞ ఎంట్రీకి ఇంకా టైమ్ ఉన్న‌ట్టే. అయితే ఈలోగా మోక్ష‌జ్ఞ‌ని వెండి తెరపై చూసుకునే అవ‌కాశం ఉంది. ఎన్టీఆర్ బ‌యోపిక్‌లో మోక్ష‌జ్ఞ‌ని చూపించాలిన బాల‌య్య భావిస్తున్నారు. అయితే ఈ విష‌యాన్ని ఆయన ముందే చెప్ప‌డానికి ఇష్ట‌ప‌డ‌డం లేద‌ని తెలుస్తోంది. ఈ సినిమాలో ఎన్టీఆర్ పాత్ర మూడు నాలుగు ద‌శ‌లో ఉంటుంది. బాల్యంలో, కౌమారంలో, య‌వ్వ‌నంలో, న‌డివ‌య‌స్కుడిగా ఆయ‌న్ని చూపిస్తారు. మోక్షుని కౌమార ద‌శ‌లో ఉన్న ఎన్టీఆర్‌గా చూపించాల‌ని బాల‌య్య ఫిక్స్ అయ్యార్ట. తాత క‌థ‌తో ఓ సినిమా తీస్తూ.. తాత‌గా తండ్రి న‌టిస్తున్న చిత్రంతో త‌న‌యుడు అరంగేట్రం చేయ‌డం నిజంగా ఓ అరుదైన అవ‌కాశం. అందుకే మోక్ష‌జ్ఞ ఎంట్రీకి ఇంత‌కంటే మంచి త‌రుణం లేద‌ని బాల‌య్య భావిస్తున్నార్ట. అయితే… ఈ విష‌యాన్ని చివ‌రి వ‌ర‌కూ గోప్యంగా ఉంచాల‌నుకుంటున్నారు. ఎన్టీఆర్‌లో అదే బిగ్ సర్ప్రైజ్ ఎలిమెంట్‌.
‘ఎన్టీఆర్’లో బిగ్ సర్ప్రైజ్
