ఫ‌స్ట్‌లుక్ తోనే ఆక‌ట్టుకోవ‌డానికి ద‌ర్శ‌క నిర్మాత‌లు భారీ స్కెచ్చులు వేస్తుంటారు. సినిమా గురించి ఓ హింట్ ఇవ్వ‌డానికీ, దాని గురించి ఆస‌క్తిగా మాట్లాడుకోవ‌డానికీ ఫ‌స్ట్ లుక్.. ఓ సుల‌భ‌మైన మార్గం. ఇప్పుడు గోపీచంద్ కొత్త సినిమా ఆక్సిజన్ ఫ‌స్ట్ లుక్ వ‌చ్చింది. సీరియ‌స్ లుక్‌లో చేతిలో క‌త్తి ప‌ట్టుకొని స్టైల్‌గా న‌డుచుకొస్తున్నాడు గోపీచంద్. అయితే ఈ ఫ‌స్ట్ లుక్ లో కొత్త‌ద‌న‌మేమీ క‌నిపించ‌లేదు. ఏ సినిమా చూసినా.. ఫ‌స్ట్ లుక్ ఇంతే క‌దా? చేతిలో గ‌న్నో, క‌త్తో ప‌ట్టుకొని హీరో సీరియ‌స్‌గా ఓ లుక్ ఇస్తాడు. ఇప్పుడు ఆక్సిజన్ కీ అదే ఫాలో అయిపోయారు. టైటిల్ చూసి, అందులో గోపీచంద్ హీరో అని తెలిసి, కొత్త ద‌ర్శ‌కుడికి ఛాన్స్ ఇచ్చాడ‌ని తెలిసి.. ఈ సినిమా కొత్త కొత్త‌గా ఉంటుంద‌నుకొంటే.. ఫ‌స్ట్ లుక్‌లోనే రొటీన్ ముద్ర ప‌డిపోయింది. ఇక సినిమా ఎలా ఉంటుందో?? సౌఖ్యం లాంటి డిజాస్ట‌ర్‌తో గోపీచంద్ బాగా డ‌ల్ అయిపోయాడు. కాస్త తేరుకోవాలంటే ఇప్పుడో మాస్ హిట్ ప‌డాలి. మ‌రి ఇలా రొటీన్‌గా ఆలోచిస్తే గోపీచంద్ కి హిట్టొస్తుందంటారా.. డౌటే.
