నిన్నటి దాకా నాన్నకు ప్రేమతో అంటూ థియేటర్ లలో సందడి చేసిన ఎన్టీఆర్ ఇప్పుడు జనతా గ్యారేజ్ కు సిద్ధమయ్యాడు. తన ప్రతి సినిమాలో ఏదో ఒక స్పెషల్ ఫీచర్స్ తో వస్తున్న తారక్ ఈ సినిమాలో కూడా కొత్త లుక్ తో పాటుగా స్టూడెంట్ లా నటిస్తుండటం విశేషం. అవును ఎన్టీఆర్ జనతా గ్యారేజ్ సినిమాలో ఐ.ఐ.టి స్టూడెంట్ గా నటిస్తున్నాడు.
తనకు బృందావనం లాంటి సూపర్ హిట్ అందించిన రచియిత దర్శకత్వంలో ఈ సినిమా చేస్తున్న తారక్ సినిమా మీద చాలా నమ్మకంగా ఉన్నాడు. రీసెంట్ గా సినిమా షూటింగ్ కూడా స్టార్ట్ చేశారు. కొరటాల శివ ఈ సినిమాతో ఎన్టీఆర్ లో ఉన్న వీరరసాన్ని మరోసారి బయటకు తెచ్చే ప్రయత్నం చేస్తున్నాడు. మైత్రి మూవీ మేకర్స్ నిర్మిస్తున్న ఈ సినిమాలో సమంత, నిత్యా మీనన్ లు హీరోయిన్స్ గా నటిస్తున్నారు.
మిర్చి, శ్రీమంతుడు సినిమాలతో ఫుల్ ఫాంలో ఉన్న కొరటాల శివ తాజా జనతా గ్యారేజ్ ను మరో బ్లాక్ బస్టర్ హిట్ చేస్తాడనడంలో సందేహం లేదు. మరి నాన్నకు ప్రేమతోతో 50 కోట్ల మార్క్ ను క్రాస్ చేసిన తారక్ జనతా గ్యారేజ్ తో 100 కోట్లకు పరుగులు తీస్తాడో లేదో చూడాలి.
