గీత గోవిందం లాంటి సూప‌ర్ హిట్ సినిమా తీసిన త‌ర‌వాత కూడా ప‌ర‌శురామ్‌కి గ్యాప్ వ‌చ్చేసింది. మ‌హేష్‌బాబుకి క‌థ చెప్పి, ఓకేచేయించుకున్నా లాభం లేక‌పోయింది. మహేష్ చేతినిండా సినిమాల‌తో బిజీగా ఉండ‌డంతో.. పరశురామ్ వెయిటింగ్ లిస్టులోకి చేరిపోయాడు. మహేష్ కి క‌థ న‌చ్చినా, వెంట‌నే ప‌ర‌శురామ్‌కి డేట్లు ఇవ్వ‌డానికి సిద్ధంగా లేడు. దాంతో.. పరశురామ్ మహేష్ పై ఆశ‌లు వ‌దులుకున్నాడు. ఇదే క‌థ‌ని.. ఎన్టీఆర్‌ని వినిపించ‌డానికి రెడీ అవుతున్నాడ‌ని టాక్‌. ఎన్టీఆర్ ఓకే అంటే, త‌న కోసం వెయిట్ చేయ‌డానికి సైతం పరశురామ్ సిద్ధం అన్నాడ‌ట. ఎన్టీఆర్ `ఆర్‌.ఆర్‌.ఆర్‌`తో బిజీగా ఉన్నాడు. ఆ త‌ర‌వాత అట్లీ, త్రివిక్ర‌మ్‌లు రెడీగా ఉన్నారు. అయితే.. పరశురామ్ క‌థ కొర‌టాల శివ‌కి బాగా న‌చ్చింద‌ట. త‌న స్నేహితుల‌నే నిర్మాత‌లుగా చేసి, ఈ సినిమా నిర్మించ‌డానికి రెడీ అవుతున్నాడ‌ని టాక్‌. పరశురామ్ క‌థ వెనుక కొర‌టాల శివ ఉన్నాడంటే – ఎన్టీఆర్ త‌ప్ప‌కుండా ఈ ప్రాజెక్టుపై ప్ర‌త్యేక‌మైన దృష్టిసారిస్తాడు. పరశురామ్ న‌మ్మ‌కం కూడా అదే. స్టార్ హీరోల కోసం ప‌డిగాపులు కాస్తున్న పరశురామ్, ఓ మెట్టు దిగి యువ హీరోలతో స‌ర్దుకుపోతే త‌ప్ప, మ‌రుస‌టి సినిమా ప‌ట్టాలెక్కేలా క‌నిపించ‌డం లేదు.
మహేష్ క‌థ… ఎన్టీఆర్ ద‌గ్గ‌ర‌కు
