సాహో విడుద‌ల‌కు ఇంకా మూడు వారాల స‌మ‌య‌మే ఉంది. ఈలోగా ప్ర‌మోష‌న్స్ పీక్స్‌లో చేయ‌డానికి చిత్ర‌బృందం రెడీ అయిపోతోంది. ఈనెల 10న ట్రైల‌ర్‌ని విడుదల చేయ‌నున్నారు. అన్ని భాష‌ల్లోనూ ట్రైలర్ ఒకేసారి విడుదల కానుంది. 11, 12, 13, 14న ప్రభాస్ నాలుగు భాష‌ల్లోనూ ప్ర‌మోట్ చేయ‌డానికి ఓ ప్ర‌మోష‌న్ టూర్ ప్లాన్ చేసింది. ఇందులో భాగంగా కొచ్చి, బెంగ‌ళూరు, ముంబై, చెన్నైల‌లో ప్ర‌చార కార్య‌క్ర‌మాలు నిర్వ‌హిస్తున్నారు. ప్ర‌మోష‌న్‌లో భాగంగా ప్రభాస్ స్థానిక అభిమానుల్ని క‌లుసుకోబోతున్నాడు. దిల్లీలో ఓ పాట‌ని విడుదల చేయాల‌ని చూస్తున్నారు. అన్నీ కుదిరితే… 16న దిల్లీ వెళ్తాడు ప్రభాస్. ఈనెల 18న రామోజీ ఫిల్మ్‌సిటీలో ప్రీ రిలీజ్ ఫంక్ష‌న్ ఏర్పాటు చేయ‌బోతున్నారు. ఈ కార్య‌క్ర‌మానికి రాజ‌మౌళి అతిథిగా రాబోతున్నాడు. టాలీవుడ్ నుంచి ఇంకొంత‌మంది స్టార్స్ కూడా ఈ ఈవెంట్‌లో పాల్గొన‌బోతున్నారు. మొత్తానికి ప్రభాస్ ఈ నెలంతా… ప్ర‌మోష‌న్ల‌తో బిజీ అవ్వ‌బోతున్నాడు. దాదాపు 300 కోట్ల‌తో రూపొందించిన సినిమా ఇది. ప్ర‌మోష‌న్లు కూడా ఆ స్థాయిలోనే ఉండాలి క‌దా?
సాహో.. ప్ర‌మోష‌న్ ప్లాన్స్ ఇవే!
