శ్రీ‌నువైట్ల, కోన వెంక‌ట్‌ల‌ది సూప‌ర్ హిట్ జోడీ. వీరిద్ద‌రూ క‌లిసి ప‌నిచేసిన సినిమాల‌న్నీ బాగా ఆడాయి. అయితే… వీళ్ల మధ్య క్రియేటీవ్ డిఫ‌రెన్సెస్ రావ‌డంతో విడిపోయారు. ఓ ద‌శ‌లో `నువ్వెంత, అంటే నువ్వెంత` అనుకునే స్థాయిలో మాటా మాటా పెంచుకున్నారు. రాజ‌కీయాల్లోలానే సినిమా ప‌రిశ్ర‌మ‌లోనూ శాశ్వ‌త శ‌త్రువులు ఎవ‌రూ ఉండ‌రు. సో.. `బ్రూస్లీ`కి మ‌ళ్లీ క‌లిసి ప‌నిచేశారు. ఆ త‌ర‌వాత ష‌రా మామూలే. ఇద్ద‌రి మ‌ధ్యా గ్యాప్ వ‌చ్చింది. ఇప్పుడు మ‌రోసారి వీరిద్ద‌రూ క‌లిసి పనిచేసే ఛాన్సుంద‌ని టాక్‌.
`శ్రీ‌నువైట్ల‌తో నాకు ప‌నిచేయ‌డానికి ఎలాంటి అభ్యంత‌ర‌మూ లేదు` అని ఇది వ‌ర‌కే కోన ఓ ఇంట‌ర్వ్యూలో చెప్పాడు. సో.. ఇటు శ్రీ‌నువైట్ల నుంచి కూడా ఎలాంటి కంప్లైంట్సూ లేవు. పైగా శ్రీ‌నువైట్ల ఇప్పుడు విజ‌యాల నిరీక్ష‌ణ‌లో ఉన్నాడు. `అమ‌ర్ అక్బ‌ర్ ఆంటోనీ` త‌ర‌వాత.. మ‌ళ్లీ నిల‌బ‌డాలంటే.. గ‌ట్టి హిట్టు ప‌డాల్సిందే. త‌న దృష్టి ఇప్పుడు `ఢీ 2` ప్రాజెక్టుపై ఉంది. ఈ సినిమాని మంచు విష్ణుతో తీయ‌బోతున్నార‌ని అప్ప‌ట్లో ప్ర‌చారం జ‌రిగింది. అయితే.. ఓ స్టార్ హీరోతోనే ఢీ 2 ప‌ట్టాలెక్కుతుంద‌ని టాక్‌. ఢీతోనే శ్రీ‌నువైట్ల, కోన వెంక‌ట్‌, గోపీ మోహ‌న్‌ల మ్యాజిక్ మొద‌లైంది. ఇప్పుడు దానికి సీక్వెల్ తో ఈ స్నేహ బంధానికి మ‌రోసారి శ్రీ‌కారం చుట్టాల‌ని ఈ పాత మిత్రులు భావిస్తున్న‌ట్టు స‌మాచారం. అన్న‌ట్టు.. ఈ రోజుతో ఢీ విడుద‌లై 13 ఏళ్లు. మ‌రి ఢీ 2కి ముహూర్తం ఎప్పుడు పెడ‌తారో చూడాలి.
