బాక్సాఫీసు దగ్గర ఓ క్లీన్ హిట్ కోసం సునీల్ వీర ప్రయత్నాలు చేస్తున్నాడు. ఇటీవల వచ్చిన జక్కన్న కూడా సునీల్ని నిరాశ పరిచింది. సునీల్ గట్టెక్కాలంటే ఈడు గోల్డ్ ఎహె హిట్టు కొట్టాల్సిందే. వీరూ పోట్ల దర్శకత్వం వహించిన ఈ చిత్రాన్ని ఏకే ఎంటర్టైన్మెంట్స్ సంస్థ తెరకెక్కించింది. గత వారం రోజులుగా ఈ సినిమా ప్రచారం ఓ లెవిల్లో సాగుతోంది. ఊరూరా తిరిగి… పాటల్ని రిలీజ్ చేస్తున్నారు. ఇప్పుడు ట్రైలర్ కూడా వచ్చింది. సునీల్ గత సినిమాల లానే.. ‘మా సినిమాలో అన్ని రసాలూ ఉన్నాయి’ అని చెప్పాలన్న ఉద్దేశంతో ట్రైలర్ కట్ చేశారు. పంచ్ ల కోసం ట్రై చేయకపోవడం కాస్త రిలీఫ్ కలిగించేదే. చివర్లో చంద్రబాబు, కేసీఆర్, జగన్ ఒకే కార్లో….. అని సునీల్ ఓ జోకు చెప్పడానికి ట్రై చేస్తాడు. ఈ ట్రైలర్కి అదే హైలెట్టు.
ట్రైలర్ చూస్తుంటే టామ్ అండ్ జర్రీ ఆటతో పాటు.. ఏదో ఓ ఇంట్రస్టింగ్ ఎలిమెంట్ ఉన్నట్టే కనిపిస్తోంది. కిక్ సినిమాలో రవితేజ మాస్క్ వేసుకొన్నట్టు ఇందులోనూ సునీల్ ఓ మాస్క్తో కనిపిస్తున్నాడు. దాని చుట్టూ ఓ ఆసక్తికరమైన కథ నడిచే అవకాశం వుంది. . ట్రైలర్ చూస్తుంటే కామెడీ గ్యాంగ్ అంతా ఓ చోట చేరిపోయినట్టే కనిపిస్తోంది. కమర్షియల్ హంగులూ బీభత్సంగానే ఉన్నాయి. మరి అవన్నీ ఈ సినిమానీ, సునీల్ కెరీర్నీ ఎంత వరకూ కాపాడతాయో చూడాలి.