చిరంజీవిని స్ఫూర్తిగా తీసుకొని సినిమాల్లోకి అడుగుపెట్టా.. అని సునీల్ చాలా సంద‌ర్భాల్లో చెప్పాడు. చిరు ఆశీర్వాదం కూడా సునీల్‌పై ఉంది. మొన్న‌టికి మొన్న జ‌క్క‌న్న ఆడియో ఫంక్ష‌న్‌కి అతిథిగా వెళ్లి ఆశీర్వ‌దించి వ‌చ్చాడు సునీల్. అలాంటి చిరు 150వ సినిమాలో న‌టించే అవ‌కాశం వ‌చ్చినా, కాల‌ద‌న్నుకొని మెగా ఫ్యాన్స్‌ని నివ్వెర ప‌రిచాడు సునీల్. కాల్షీట్ల స‌మ‌స్య వ‌ల్లే చిరు సినిమాలో న‌టించే చాన్స్ కోల్పోయాన‌ని బాధ‌ప‌డ్డాడు కూడా. అయితే… ఇప్పుడు చిరు 150వ సినిమాలో న‌టించే అవ‌కాశం మ‌రోసారి అందుకొన్నాడు సునీల్. ఈ విష‌యాన్ని సునీల్ కూడా ధృవీక‌రించాడు.
”అన్న‌య్య సినిమాలో న‌టించే అవ‌కాశం ఓసారి వ‌చ్చింది. కానీ దాన్ని చేజార్చుకొన్నా. అయితే.. ఇప్పుడు మ‌ళ్లీ ఆ ఛాన్స్ వ‌చ్చింది. ఇది వ‌ర‌కు ఓ పాత్ర కోసం అడిగారు. అప్పుడు కాల్షీట్లు అందుబాటులో లేవు. ఇప్పుడు మరో పాత్ర కోసం న‌న్ను తీసుకొన్నారు. ఈసారి ఈ ఛాన్స్ మిస్ చేసుకోను. సెప్టెంబ‌రులో నా పార్ట్ తెర‌కెక్కిస్తారు” అని చెప్పుకొచ్చాడు సునీల్. సో.. చిరు సినిమాలో సునీల్ ఉన్నాడ‌న్న‌ది ఖాయ‌మైంది. మ‌రి.. ఈ క్యారెక్ట‌ర్ ఎలా ఉంటుందో, ఏంటో??
