సాక్షి పత్రిక వచ్చిన కొత్తలో ఓ నినాదం ఉద్యమంలా తీసుకొచ్చారు. ఆ పత్రిక ధరను..రూ.2గా నిర్ణయించారు. మిగతా పత్రికలు కూడా.. రూ. 2కే ఎందుకివ్వరని ప్రశ్నలు ప్రారంభించారు. పాఠకుల దగ్గర నుంచి డిమాండ్లు కూడా వినిపించారు. కానీ ఆ తర్వాత పరిస్థితి మారిపోయింది. సాక్షి పత్రిక రేటు మిగతా పత్రికలతో సమాన స్థాయికి చేరింది. మామూలు రోజుల్లో రూ. 5, మిగతా రోజుల్లో రూ. 6గా కొనసాగుతోంది. ఇప్పుడు సాక్షి ఇతర పత్రికల రేట్లను తగ్గించాలని ఉద్యమాలు చేయడం లేదు. ఇతర పత్రికలతో కలిసి పోటీగా.. రేట్లు పెంచడానికి .. అవకాశం ఎదురు చూస్తోంది. గతంలో ఎలా ఉన్నా.. ఇటీవలి కాలంలో.. పత్రికల యజమానులంతా.. ఓ సంఘంగా ఏర్పడ్డారు. పత్రికల నిర్వహణకు సంబంధించిన అంశాలపై కలసికట్టుగా నిర్ణయాలు తీసుకునే ప్రయత్నం చేస్తున్నారు. ఇలా కొద్ది రోజుల క్రితం సమావేశమై.. ఓ కీలక నిర్ణయం తీసుకున్నారు. అదేమిటంటే.. పేపర్ రేట్లు పెంచడం.
ప్రస్తుతం రూ. 5 ఉన్న వీక్‌డేస్ పేపర్‌ను రూ. 8కి , ఆదివారాల్లో రూ. 10 రూపాయలకు పెంచాలనే ప్రతిపాదన… సిద్దం చేసుకున్నారు. ఇటీవలి కాలంలో పెరిగిన న్యూస్ ప్రింట్ ధరలు, ట్రాన్స్‌ పోర్ట్ చార్జీలు, ఉద్యోగుల జీతాలు చూసుకుని… రేట్లు పెంచకపోతే.. లాభాలకు గండి పడిపోతుందని.. నిర్ణయించేసుకున్నారు. కానీ ఒకే సారి.. 70 శాతం రేటు పెంచితే… సర్క్యూలేషన్ పై దెబ్బ పడుతుందేమోనన్న భయం వీరిలో చాలా మందికి ఉంది. ముఖ్యంగా .. సాక్షి దినపత్రికు ఎక్కువ. ఎందుకంటే.. ఆ పత్రికను… వైసీపీపై అభిమానంతో కొంత మంది కొనుగోలు చేస్తూంటే.. మరికొంత సర్క్యూలేషన్ .. బలవంతంగా అంట గడుతున్నది ఉంది. అమాంతం రేట్లు పెంచితే.. వాళ్లంతా నిస్సంకోచంగా వదిలించేసుకుంటారనే భయం సాక్షికి ఉంది. మిగతా పత్రికలూ దీనికి మినహాయింపు కాదు. కాకపోతే… ఆ పత్రికకు ఉన్నంత ఎఫెక్ట్ ఉండదు. అందుకే అందకూ చర్చించుకుని ఆ స్థాయిలో కాకపోయినా… కనీసం రూపాయి నుంచి రెండు రూపాయల వరకూ పెంచడం మాత్రం ఖాయమన్న ప్రచారం జరుగుతోంది.
ఒక్క తెలుగు పేపర్లు మాత్రమే కాకుండా.. ఇంగ్లిష్ పేపర్లు కూడా.. రేట్లు పెంచే ఆలోచన చేస్తున్నాయట. ఇప్పటికే దీనికి సంబంధించి అంతర్గతంగా.. చర్చలు అన్నీ పూర్తి చేసేసుకున్నారు. సెప్టెంబర్ ఒకటి నుంచే అమలు చేయాలనే ఆలోచనలో ఉన్నారు. పెంచితే అన్ని పేపర్ల ధరలూ పెరగుతాయి తప్ప… ఒకటి పెరగడం..మరోకటి పెంచకుండా ఉండటం మాత్రం జరగదు. ఈ విషయంలో పత్రికా యజమాన్యాలు క్లారిటీతోనే ఉన్నాయన్న ప్రచారం జరుగుతోంది.
