తెలంగాణ ప్రభుత్వాన్ని గవర్నర్ ద్వారా ఇబ్బంది పెట్టాలని కేంద్రం అనుకోవడం లేదు. కానీ గవర్నర్‌తో ఆ మాత్రం విభేధాలు ఉండాలని తెలంగాణ సర్కార్ కోరుకుంన్నట్లుగా కనిపిస్తోంది. గవర్నర్‌పై నేరుగా సుప్రీంకోర్టుకు వెళ్లడం సంచలనంగా మారింది. ఢిల్లీ కన్నా రాజ్ భవన్ దగ్గర అని.. తమిళిసై ఈ విషయం తెలిసి వ్యాఖ్యానించారు. అంటే ఆమె.. కేవలం.. ఆమె బిల్లులు ఆమోదించాలని సీఎస్ వచ్చి అడిగి ఉంటే చాలని అనుకున్నట్లుగా కనిపిస్తోంది. కానీ సీఎస్ మాత్రం .. ప్రభుత్వ పెద్దల అనుమతి లేకుండా గవర్నర్ తో మర్యాదపూర్వక భేటీకి కూడా సిద్ధంగా లేరు.
తెలంగాణ ప్రభుత్వం, గవర్నర్ మధ్య ఏర్పడిన వివాదం బడ్జెట్ సమావేశాల సందర్భంగా జరిగిన పరిణామాలతో ముగిసిపోయిందని అనుకున్నారు. కానీ తెలంగాణ ప్రభుత్వం అనూహ్యంగా సుప్రీంకోర్టును ఆశ్రయించడంతో గవర్నర్, ప్రభుత్వం మధ్య సానుకూల వాతావరణం ఏర్పడలేదని స్పష్టయింది. ఇప్పుడు ప్రభుత్వం కోర్టుకు వెళ్లడంతో వివాదం మరింత ముదిరినట్లయింది. ఢిల్లీకి వెళ్లే బదులు రాజ్ భవన్‌కు రావాల్సిందని గవర్నర్ తమిళిసై.. తెలంగాణ ప్రభుత్వ ప్రధాన కార్యదర్శిని ఉద్దేశించి వ్యాఖ్యలు చేయడం కలకలం రేపుతోంది. సీఎస్ అసలు గౌరవించడం లేదని ఆమె అంటున్నారు. దీంతో అసలు సమస్య ఏమిటన్నది రాజకీయ వర్గాలకూ అంతుబట్టడం లేదు.
బడ్జెట్ సమావేశాల దగ్గర సఖ్యత కుదిరినా తెలంగాణ ప్రభుత్వం గవర్నర్ కు కల్పించాల్సిన ప్రోటోకాల్ కల్పించకపోవడంతోనే గవర్నర్ గుర్రుగా ఉన్నారన్న ప్రచారం జరుగుతోంది. చీఫ్ సెక్రటరీ తనను మర్యాదపూర్వకంగా కూడా కలవడం లేదని.. ఇవ్వాల్సిన ప్రోటోకాల్ కూడా ఇవ్వడం లేదని భావిస్తున్నారు. మామూలుగా కొత్త సీఎస్ వస్తే గవర్నర్ ను మర్యాదపూర్వకంగా కలుస్తారు. కానీ సీఎస్ శాంతి కుమారి కలవలేదు. రిపబ్లిక్ డే వేడుకల్లో హైకోర్టు ఆదేశాల మేరకు పాల్గొన్నారు కానీ.. ప్రత్యేకంగా సమావేశం కాలేదు. అలాగే గవర్నర్ ..రాజకీయం చేస్తున్నారని ఆమెకు ప్రోటోకాల్ ఇవ్వాల్సిన అవసరం ఏమిటన్న భావనలో బీఆర్ఎస్ నేతలుున్నారు. దీంతో వివాదం మళ్లీ ప్రారంభమయిందని భావిస్తున్నారు.
