పుష్ష టీమ్ త‌న ప‌నుల‌కు శ్రీ‌కారం చుట్టింది. షూటింగుల కోసం స‌ర్వం సిద్ధం చేసుకుంటోంది. అట‌వీ నేప‌థ్యంలో సాగే క‌థ ఇది. మారేడుమ‌ల్లి అడ‌వుల్లో ఈ సినిమా షూటింగ్ చేయాల‌ని భావించారు. అయితే.. క‌రోనా నేప‌థ్యంలో అక్క‌డకు వెళ్లి షూటింగ్ చేయ‌డం కుద‌ర‌ని ప‌ని అని, అడ‌వి సెట్టింగులు ఇక్క‌డే హైద‌రాబాద్‌లో వేస్తార‌ని ప్ర‌చారం జ‌రిగింది. అయితే వీటిని చిత్ర‌బృందం త్రోసిపుచ్చింది. క‌థ ప్ర‌కారం.. అడ‌వుల్లోనే చిత్రీక‌ర‌ణ జ‌రుపుతార్ట. సెట్టింగులు వేసే అవ‌కాశం, అవ‌స‌రం ఈ క‌థ‌కు లేద‌ని తేల్చేశారు. ముందుగా అనుకున్న‌ట్టు మారేడు మ‌ల్లి అడ‌వుల్లోనే ఈ సినిమా షూటింగ్ జ‌ర‌గ‌బోతోంది. అక్క‌డ స‌హ‌జ‌మైన లొకేష‌న్ల‌లోనే స‌న్నివేశాలు తెర‌కెక్కిస్తారు. కాక‌పోతే.. అడ‌విలో షూటింగుల‌కు అనుగుణంగా.. ర‌హ‌దార్లు బాగు చేస్తున్నారు. ఛేజింగులు చేయ‌డానికి అనువుగా.. రోడ్లు వేస్తున్నారు. సుమారు నాలుగు కిలోమీట‌ర్ల మేర ఈ రోడ్డు నిర్మాణం జ‌ర‌గ‌బోతోంద‌ని తెలుస్తోంది. ఈ ప‌నుల‌న్నీ పూర్త‌య్యాక.. కొత్త షెడ్యూల్ వేసుకుని, దాని ప్ర‌కారం షూటింగు మొద‌లెడ‌తారు. సుకుమార్ ద‌ర్శ‌క‌త్వం వ‌హిస్తున్న ఈ చిత్రంలో అల్లు అర్జున్ – ర‌ష్మిక జంట‌గా న‌టిస్తున్న సంగ‌తి తెలిసిందే. దేవిశ్రీ ప్ర‌సాద్ సంగీతం అందిస్తున్నారు.
అడ‌విలో.. రోడ్లు వేస్తున్న పుష్ష టీమ్
