క‌రోనా బారీ నుంచి ఎస్‌.పి.బాల‌సుబ్ర‌హ్మ‌ణ్యం కోలుకున్నారని, తాజా ప‌రీక్ష‌ల్లో ఆయ‌న‌కు నెగిటీవ్ వ‌చ్చింద‌ని ఈరోజు ఉద‌య‌మే ఓ వార్త వినిపించింది. దాంతో బాలు ఆభిమానులు, సంగీతాభిమానులు ఊపిరి పీల్చుకున్నారు. బాలు కోలుకుంటున్నార‌ని, పూజ‌లు ఫ‌లిస్తున్నాయ‌ని భావించారు. కానీ.. అంత‌లోనే మ‌రో ట్విస్టు. “నాన్న‌గారి ఆరోగ్యం గురించి నేనే చెబుతా.. మీరు రూమ‌ర్లు న‌మ్మొద్దు“ అంటూ త‌న‌యుడు చరణ్ ఓ వీడియో విడుద‌ల చేశారు.
“నాన్న‌గారి ఆరోగ్యం గురించి ఎప్ప‌టిక‌ప్పుడు నేనే అప్ డేట్ ఇస్తూవ‌స్తున్నా. ఆయ‌న్ని ప‌ర్య‌వేక్షిస్తున్న డాక్ట‌ర్ల‌తో మాట్లాడిన త‌రవాతే.. నేను అప్ డేట్ ఇస్తున్నాను. అయితే ఈ రోజు ఉద‌య‌మే ఓ వార్త బ‌య‌ట‌కు వ‌చ్చింది. నాన్న‌గారికి క‌రోనా నెగిటీవ్ అని ప్ర‌చారం మొద‌లైంది. అయితే.. నాన్న‌గారు ఆసుప‌త్రిలో చేరిన్ప‌పుడు ఎలా ఉన్నారో ఇప్పుడూ అలానే ఉన్నారు. ఈ రూమ‌ర్లు న‌మ్మొద్దు. ఆయ‌న ఆరోగ్యంపై నేనే అప్ డేట్ ఇస్తుంటా“ అని క్లారిటీ ఇచ్చారు. దాంతో… క‌రోనాతో బాలు ఇంకా కోలుకోలేద‌ని, ఆయ‌న ఇంకా క‌రో్నాతో పోరాడుతున్నార‌న్న సంగతి అర్థ‌మ‌వుతోంది. అయితే. ఈరోజు ఉద‌య‌మే.. చరణ్ పేరుతో మీడియాకి ఓ అప్ డేట్ అందింది. `నాన్న‌గారు క‌రోనాని జ‌యించారు` అన్న‌ది ఆ అప్డేట్ సారాంశం. అదెలా పుట్టిందో? ఎవ‌రు పుట్టించారో?
