భారత్-పాక్ క్రికెట్ మ్యాచ్ జరుగుతుందో లేదో?

పఠాన్ కోట్ వైమానిక స్థావరంపై పాక్ ఉగ్రవాదులు దాడులు చేసినప్పటి నుండి భారత్-పాక్ దేశాల మధ్య మళ్ళీ ఉద్రిక్తతలు పెరగడంతో రెండు దేశాల మధ్య సంబంధాలు ఇప్పుడు అంతంత మాత్రంగానే ఉన్నాయి. మూడు నెలలు అవుతున్నా ఇంతవరకు ఆ దాడికి పాల్పడిన వారినెవ్వరినీ అరెస్ట్ చేయకుండా యధాప్రకారం పాక్ తనకు అలవాటయిన అన్ని నాటకాలన్నీ ఆడుతోంది. ఆ కారణంగానే భారత్-పాక్ విదేశాంగ కార్యదర్శుల మధ్య ఇస్లామాబాద్ లో జరుగవలసిన చర్చలు నిరవధికంగా మళ్ళీ వాయిదా పడ్డాయి. ఆ సంగతి పాక్ కి తెలిసినప్పటికీ చర్చలకు రావాలని భారత్ పై ఒత్తిడి చేస్తోంది.

పఠాన్ కోట్ వైమానిక స్థావరంపై దాడి జరిగినప్పుడు మోడీ ప్రభుత్వం కూడా చాలా హడావుడి చేసింది కానీ ఆ తరువాత ఎందుకో హటాత్తుగా నిశబ్ధమయిపోయింది. నిశబ్ధంగానే భారత్-పాక్ మధ్య క్రికెట్ మ్యాచ్ కి అంగీకరించింది. అంటే పాక్ పట్ల భారత్ మళ్ళీ మెత్తబడిందని అర్ధమవుతోంది. భారత్-పాక్ విదేశాంగ కార్యదర్శుల సమావేశానికి భారత్ ఇష్టపడనపుడు, ఇరు దేశాల ప్రజలలో చాలా తీవ్ర ఉద్రిక్తతలు కలిగించే భారత్-పాక్ క్రికెట్ మ్యాచ్ ని అనుమతించడం చాలా ఆశ్చర్యంగానే ఉంది. నిజానికి విదేశాంగ కార్యదర్శుల సమావేశం జరిగినా జరుగకపోయినా ఇరుదేశాల ప్రజలు పెద్దగా పట్టించుకోరు కానీ ఇరుదేశాల మధ్య క్రికెట్ మ్యాచ్ అంటే దానిని ఒక నిజమయిన యుద్ధంగానే భావిస్తుంటారు.

మరి ఆ సంగతి తెలిసి కూడా భారత్ గడ్డపై పాక్ తో క్రికెట్ మ్యాచ్ ఆడటానికి మోడీ ప్రభుత్వం ఎందుకు అనుమతించిందో తెలియదు. పఠాన్ కోట్ పై దాడులు జరిగి మూడు నెలలు గడిచిపోయాయి కనుక బహుశః దేశ ప్రజలు దాని గురించి మరిచిపోయుంటారని అనుకొందో లేకపోతే పాక్ పట్ల దేశ ప్రజల స్పందన ఏవిధంగా ఉందో తెలుసుకొనేందుకే ఈ మ్యాచ్ కి అనుమతించిందో తెలియదు. ఒకవేళ దేశ ప్రజలు ఈ మ్యాచ్ ను ఆహ్వానించినట్లయితే, అప్పుడు భారత్-పాక్ విదేశాంగ కార్యదర్శుల సమావేశానికి ముహూర్తం పెట్టుకోవచ్చని మోడీ ప్రభుత్వం ఆలోచిస్తోందేమో?

మొదట హిమాచల్ ప్రదేశ్ లోని ధర్మశాలలో మ్యాచ్ నిర్వహించాలనుకొన్నప్పటికీ, ఆ రాష్ట్ర ప్రభుత్వం మ్యాచ్ కి భద్రత కల్పించలేమని చేతులు ఎత్తేయడంతో దానిని కోల్ కోతాలోని ఈడెన్ గార్డెన్స్ కి మార్చేరు. కానీ అక్కడ కూడా మ్యాచ్ జరపడానికి వీలులేదని భారత తీవ్రవాద వ్యతిరేక ఫ్రంట్‌ (ఏటీఎఫ్‌ఐ) హెచ్చరిస్తోంది. పఠాన్ కోట్ పై జరిగిన దాడిని అప్పుడే మరిచిపోయి, ఉగ్రవాదులకు ఆశ్రయం, శిక్షణ, అండదండలు ఇస్తూ భారత్ పై దాడులకు ప్రోత్సహిస్తున్న పాక్ తో క్రికెట్ మ్యాచ్ ఆడటం సిగ్గుచేటని ఏటీఎఫ్‌ఐ వాదిస్తోంది. ఒకవేళ తమ హెచ్చరికలను కాదని ఈడెన్ గార్డెన్ లో మ్యాచ్ నిర్వహించాలనుకొంటే దానిని చాల తీవ్రంగా ప్రతిఘటిస్తామని ఏటీఎఫ్‌ఐ సభ్యులు హెచ్చరిస్తున్నారు. ఈడెన్ గార్డెన్ పిచ్ ని తవ్వేస్తామని హెచ్చరిస్తున్నారు. భారత్ లో ఎదురవుతున్న ఈ వ్యతిరేకతను చూసి, తమ ఆటగాళ్ళ భద్రతకు పూర్తి భరోసా కల్పిస్తామని భారతప్రభుత్వం హామీ ఇస్తేనే మ్యాచ్ ఆడేందుకు తమ ఆటగాళ్ళను కోల్ కొతా పంపిస్తామని పాక్ క్రికెట్ బోర్డు చెపుతోంది. కనుక ఈ మ్యాచ్ జరుగుతుందో లేదో తెలియని పరిస్థితి నెలకొని ఉందిపుడు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేసీఆర్ పిలుపు… విరాళాల వెల్లువ..!

ముఖ్యమంత్రి సహాయనిధికి విరివిగా విరాళాలివ్వాలని తెలంగాణ సీఎం కేసీఆర్ పిలుపునిచ్చారు. వరదల కారణంగా హైదరాబాద్ ప్రజలు తీవ్ర ఇబ్బందులు పడుతున్నారు. వారిని ఆదుకోవడంతో పాటు పెద్ద ఎత్తన ధ్వంసం అయిన రోడ్లు, విద్యుత్...

‘న‌ర్త‌న‌శాల’ టికెట్… 10 ల‌క్ష‌ల నుంచి 50 రూ. వ‌ర‌కూ

శ్రేయాస్ ఏటీటీ ద్వారా `న‌ర్త‌న‌శాల‌` విడుద‌ల అవుతున్న సంగ‌తి తెలిసిందే. ఈనెల 24 న విజ‌య‌ద‌శ‌మి సంద‌ర్భంగా `న‌ర్త‌న‌శాల‌`లోని 17 నిమిషాల స‌న్నివేశాల్ని విడుద‌ల చేస్తున్నారు. బాల‌కృష్ణ స్వీయ ద‌ర్శ‌క‌త్వం వ‌హించిన చిత్ర‌మిది....

పాపం.. విజ‌య్ సేతుప‌తి కూతుర్ని కూడా వ‌ద‌ల్లేదు!

స‌భ్య స‌మాజం మ‌రోసారి త‌ల‌దించుకోవాల్సిన దుస్థితి ఇది. మొన్న‌టికి మొన్న ఐపీఎల్ లో ధోనీ విఫ‌లం అయితే.. ధోనీ కుమార్తెని అత్యాచారం చేస్తాన‌ని బెదిరించి - దిగ‌జారిపోతున్న విలువ‌ల‌కు త‌ర్ప‌ణంగా నిలిచాడో దుర్మార్గుడు....

‘న‌ర్త‌న‌శాల‌’లో అర్జునుడిడిగో…!

నంద‌మూరి బాల‌కృష్ణ క‌ల‌ల ప్రాజెక్టు `న‌ర్త‌న‌శాల‌`. త‌న స్వీయ నిర్మాణంలోనే ఈ చిత్రాన్ని ప‌ట్టాలెక్కించాడు. భారీ కాస్టింగ్‌, బాల‌య్య ద‌ర్శ‌క‌త్వం, పౌరాణిక గాథ‌.. ఇవ‌న్నీ ఈ సినిమాపై ఆక‌ర్ష‌ణ‌ని పెంచాయి. కొంత‌మేర...

HOT NEWS

[X] Close
[X] Close