ఎన్నికల ప్రచారం చేయాలంటే ఓ ఆలోచన ఉండాలి. కానీ ఆ ఆలోచన వింతగా ఉంటే మాత్రం రివర్స్ అవుతుంది. దానికి అంబటి రాంబాబే సాక్ష్యం. ఇప్పుడు సత్తెనపల్లిలో ఎక్కడ చూసినా చెత్త కుప్పల్లో వైసీపీ బొమ్మలు.. జగన్, అంబటి రాంబాబు బొమ్మలు ఉన్న టీ కప్పులు కుప్పలు, తెప్పలుగా కనిపిస్తున్నాయి. వాటిని చూసి అందరూ నవ్వుకుంటున్నారు. సరైన ప్లేస్ కే చేరాయని సెటైర్లు వేసుకుంటున్నారు. దీనికి కారణం ఎవరంటే అంబటి రాంబాబే.
వైసీపీ గురించి అందరూ మాట్లాడుకోవాలంటే చీప్ గా అయిపోయే ఓ ఐడియా టీ కప్పుల్ని పంచడం అనుకున్నారు. అనుకున్నదే తడవుగా.. సత్తెనపల్లిలోని ప్రతి టీ దుకాణానికి టీ కప్పుల సంచులు ఇచ్చారు. వాటినే వాడాలని ఆదేశించారు. మామూలుగా టీ కప్పులు కొనాలంటే ఎంతో కొంత ఖర్చవుతుంది. ఆ డబ్బులు మిగులుతాయని వారు కూడా అంగీకరించారు. ఒక వేళ వద్దు అంటే… తట్టుకోవడం కష్టం. టీ బంకులు ఎక్కువగా రోడ్ల మీదనే ఉంటాయి.
అయితే తర్వాత జరిగే పరిణామాల్ని ఊహించలేకపోయారు అంబటి రాంబాబు. ఇప్పుడు ఎక్కడ చూసినా చెత్తబుట్టలో టీ కప్పులే కనిపిస్తున్నాయి. తప్పల్లో వాటిపై కుక్కలు.. మనుషులు.. చేయకూడని పనులు చేస్తున్నారు. ఏదో చేద్దామనుకుంటే.. ఏదో అయిపోయిందే అని వైసీపీ నేతలు బాధపడుతున్నారు. అంతేనా ఇప్పుడు ఆ కప్పులు పంచడం రూల్స్ ఉల్లంఘన అని టీడీపీ నేతలు ఈసీకీ ఫిర్యాదు చేయడానికి సిద్ధమయ్యారు. ఈ కేసు కూడా నమోదైతే… అంబటి రాంబాబుకు.. వ్రతం చెడుతుంది.. కేసు పడుతుందన్నట్లుగా పరిస్థితి మారుతుంది.
