శ్రీ‌రెడ్డి ధ‌ర్నా.. ఈ సారి ఎక్క‌డ‌?

ఫిల్మ్ ఛాంబ‌ర్ ముందు శ్రీ‌రెడ్డి చేసిన 5 నిమిషాల ధ‌ర్నాకే… టాలీవుడ్ మొత్తం అట్టుడికిపోయింది. ఆ త‌ర‌వాత జ‌రిగిన ప‌రిణామాలేంటో మ‌న‌కు తెలిసిందే. అయితే… గ‌త కొన్ని రోజుల నుంచీ శ్రీ‌రెడ్డి కామ్‌గా ఉంది. ఆమె నుంచి క‌నీసం ట్వీట్లు కూడా లేవు. టీవీ ఛాన‌ళ్లు కూడా ఆమెను ప‌ట్టించుకోవ‌డం మానేశాయి. దాంతో.. మ‌రోసారి శ్రీ‌రెడ్డి మీడియా దృష్టిని ఆకర్షించాల‌ని భావిస్తోంది. ఈ నేపథ్యంలో మ‌రోసారి శ్రీ‌రెడ్డి ధ‌ర్నాకు దిగ‌బోతోంద‌ని టాక్‌. ఈసారి రామానాయుడు స్టూడియో ముందు త‌న నిర‌స‌న తెలియ‌జేయాల‌నుకుంటోంద‌ట‌. నిజానికి అస‌లు గొడ‌వ అంతా అక్క‌డి నుంచే మొద‌లైంది. సురేష్‌బాబు త‌న‌యుడు అభిరామ్‌ని టార్గెట్ చేస్తూ.. శ్రీ‌రెడ్డి పెట్టిన పోస్టులే ఈ వివాదానికి ఆజ్యం పోశాయి. అయితే గొడ‌వ ఇటు నుంచి ఎటో వెళ్లిపోయింది. దాంతో అభిరామ్ ఎపిసోడ్ మ‌ర్చిపోయారు. ఇప్పుడు మ‌ళ్లీ శ్రీ‌రెడ్డి అక్క‌డి నుంచి ప్ర‌యాణాన్ని ప్రారంభించ‌బోతోంద‌న్న‌మాట‌. శ్రీ‌రెడ్డి లిస్టులో రామానాయుడు స్టూడియోనే కాదు, మరో ద‌ర్శ‌కుడి ఇల్లు కూడా ఉంద‌ట‌. శ్రీ‌రెడ్డి ఆరోప‌ణ‌లు ఎదుర్కున్న వారిలో ఓ అగ్ర ద‌ర్శ‌కుడు కూడా ఉన్నాడు. ఇటీవ‌ల ఓ వీడియో విడుద‌ల చేసి శ్రీ‌రెడ్డితో త‌న‌కు ఎలాంటి సంబంధ‌మూ లేద‌ని క్లారిటీ ఇచ్చాడు. ఆ ద‌ర్శ‌కుడ్ని కూడా శ్రీ‌రెడ్డి టార్గెట్ చేసుకున్న‌ట్టు స‌మాచారం. రామానాయుడు స్టూడియోలో ప్ర‌స్తుతం పోలీసుల గ‌స్తీ ఎక్కువైంది. ఈ ద‌ర్శ‌కుడి ఇంటి ముందు కూడా పోలీసులు సెక్యురిటీ ఏర్పాటు చేస్తున్న‌ట్టు స‌మాచారం. మ‌రో వారం రోజుల పాటు మీడియాకి ఆహారం దొరికిన‌ట్టే..