బ‌న్నీ సినిమా… ‘బ్యాన‌ర్‌’ లొల్లి

‘పుష్ష 2’ త‌ర‌వాత‌ అల్లు అర్జున్ సినిమా ఫిక్స‌యిపోయింది. అట్లీ ఈ చిత్రానికి ద‌ర్శ‌కుడు. అయితే.. ఇంకా తేలాల్సిందేంటంటే… ఈ సినిమా ఏ బ్యాన‌ర్ లో చేయాలి? అన్న‌దే. బ‌న్నీ పుట్టిన రోజు సంద‌ర్భంగా ఈ సినిమాకు సంబంధించిన అధికారిక ప్ర‌క‌ట‌న రావాల్సివుంది. కానీ రాలేదు. దానికి కార‌ణం.. బ్యాన‌ర్ విష‌యంలో క్లారిటీ రాక‌పోవ‌డ‌మే.

అట్లీ… ఇప్పుడు స‌న్ పిక్చర్స్ సంస్థ‌లో ఓ సినిమా చేయాలి. బ‌న్నీ సినిమాని అదే బ్యాన‌ర్‌లో చేయాల‌ని త‌ను భావిస్తున్నాడు. అయితే కాంబినేష‌న్ ప‌రంగా ఉన్న క్రేజ్ ని చూసి, గీతా ఆర్ట్స్ ఈ సినిమాని సొంతంగా చేయాల‌ని అనుకొంటోంది. దానికి అట్లీ అభ్యంత‌రం చెబుతున్న‌ట్టు తెలుస్తోంది. ఆల్రెడీ స‌న్ కి మాట ఇచ్చేశాడు కాబ‌ట్టి, అట్లీకి మ‌రో మార్గం లేదు. బన్నీ మాత్రం ఈ సినిమాని ఓన్ బ్యాన‌ర్‌లో చేస్తే అడ్వాంటేజ్ ఉంటుంద‌ని అనుకొంటున్నాడు. అక్క‌డే డిస్క‌ర్ష‌న్స్ జోరుగా న‌డుస్తున్నాయి. మ‌ధ్యే మార్గంగా స‌న్ పిక్చ‌ర్స్ తో పాటుగా, గీతా ఆర్ట్స్ క‌లిసి ఈ సినిమా చేసే ఛాన్సుంది. ‘అల వైకుంఠ‌పుర‌ములో’ సినిమాని అలానే పూర్తి చేశారు. హారిక హాసినితో పాటు గీతా ఆర్ట్స్ ఈ చిత్రాన్ని నిర్మించింది. ఇప్పుడు కూడా అదే ప్లాన్ వ‌ర్క‌వుట్ అయ్యే అవ‌కాశాలు క‌నిపిస్తున్నాయి.