ఈమ‌ధ్య టాప్ ద‌ర్శ‌కులు… త‌మ శిష్యుల సినిమాల‌కు క‌థ‌లు అందిస్తున్న సంగ‌తి తెలిసిందే. సుకుమార్ రైటింగ్స్ లో తెర‌కెక్కే చిన్న సినిమాల‌న్నింటికీ సుకుమారే క‌థ‌కుడు. అలానే హ‌రీష్ శంక‌ర్ సైతం ఓ క‌థ‌ని త‌న శిష్యుడికి ఇచ్చాడు. ఆక‌థే `వేదాంతం రాఘ‌వ‌య్య`. సునీల్ క‌థానాయ‌కుడిగా ఏకే ఎంట‌ర్‌టైన్‌మెంట్స్ సంస్థ ఈ చిత్రాన్ని తెర‌కెక్కించాల్సింది. చాలా రోజుల క్రిత‌మే ఈ ప్రాజెక్టుని ప్ర‌క‌టించారు అయితే.. ఇప్ప‌టి వ‌ర‌కూ ఎలాంటి అప్ డేట్ లేదు. ఈలోగా ఈ సినిమా స‌మీక‌ర‌ణాలు చాలా మారాయ‌న్న‌ది ఇండ్ర‌స్ట్రీ వ‌ర్గాల టాక్‌. అనిల్ సుంక‌ర ఈ ప్రాజెక్టు నుంచి త‌ప్పుకున్నార‌ని, ఈ సినిమా నిర్మాత‌లు మార‌బోతున్నార‌ని గుస‌గుస‌లు వినిపిస్తున్నాయి. అంతేకాదు.. ఇప్పుడు సునీల్ ప్లేసులో మ‌రో హీరో వ‌స్తున్నాడ‌ట. సునీల్ కి రీప్లేస్‌మెంట్ గా స‌త్య‌దేవ్ పేరు ప‌రిశీలిస్తున్నార‌ని స‌మాచారం. అయితే ఈ సినిమా నుంచి సునీల్ ఎందుకు త‌ప్పుకోవాల‌ని అనుకుంటున్నాడో తెలీలేదు. హ‌రీష్ ఈ స్క్రిప్టుని ఎప్పుడో పూర్తి చేశాడు. త‌ను ప్ర‌స్తుతం త‌న దృష్టినంతా.. ప‌వ‌న్‌క‌ల్యాణ్ సినిమాపైనే పెట్టాడు. ప‌వ‌న్ – హ‌రీష్ కాంబినేష‌న్‌లో `భ‌త‌దీయుడు భ‌గ‌త్ సింగ్‌` అనే చిత్రం రూపుదిద్దుకోనున్న సంగ‌తి తెలిసిందే. హ‌రీష్ ఈ సినిమాపై క‌స‌ర‌త్తు చేస్తున్నాడు. మ‌రి… వేదాంతం రాఘ‌వ‌య్య ఎప్పుడు మొద‌ల‌వుతుందో?
హ‌రీష్ శంక‌ర్ సినిమాలో హీరో మారాడా?
