ఒకేసారి రెండు సినిమాల‌తో బిజీ అయిపోయాడు హరీష్ శంక‌ర్‌. ప‌వ‌న్ క‌ల్యాణ్ తో తీస్తున్న ‘ఉస్తాద్ భ‌గ‌త్‌సింగ్‌’కి గ్యాప్ రావ‌డంతో ర‌వితేజ‌తో `మిస్ట‌ర్ బ‌చ్చ‌న్‌`ని ప‌ట్టాలెక్కించేశాడు. ఈగిల్ స‌క్సెస్ మీట్ లో హరీష్ మాట్లాడుతూ త్వ‌ర‌లోనే ఇద్ద‌రు స్టార్ హీరోల‌తో సినిమా చేస్తున్నాను, ఆ డిటైల్స్ కూడా రాబోతున్నాయి అంటూ హింట్ ఇచ్చాడు. ఇప్పుడు ఆ ఇద్ద‌రు హీరోలెవ‌రు? అనే ఆస‌క్తిక‌ర‌మైన ప్ర‌శ్న మొద‌లైంది.
ఇందులో ఓ హీరో మెగాస్టార్ చిరంజీవి అని టాక్‌. చిరు – హ‌రీష్‌లు క‌లిస్తే ఆ కాంబో క్రేజీగా ఉంటుంద‌న‌డంలో ఎలాంటి సందేహం లేదు. ఈ ప్రాజెక్ట్ సైతం పీపుల్ మీడియా ఫ్యాక్ట‌రీలో ఫిక్స‌య్యే ఛాన్సుంది. చిరంజీవితో ఓ సినిమా చేయాల‌ని పీపుల్ మీడియా ఫ్యాక్ట‌రీ ఎప్ప‌టి నుంచో అనుకొంటోంది. ఇప్పుడు ఆ సంస్థ‌లోనే ర‌వితేజ ‘మిస్ట‌ర్ బ‌చ్చ‌న్‌’ చేస్తున్నాడు. సో.. ఈ కాంబో అలా కుదిరేసింది. మ‌రో సినిమా.. ఎవ‌రితో అనేది తేలాల్సివుంది. ఈసారి ఓ యువ హీరోతో హరీష్ జ‌ట్టు క‌ట్టే అవకాశాలు పుష్క‌లంగా క‌నిపిస్తున్నాయి. క‌మ‌ర్షియ‌ల్ క‌థ‌ల్ని హ్యాండిల్ చేయ‌గ‌లిగే ద‌ర్శ‌కుల్లో హరీష్ ఒక‌డు. త‌న‌తో సినిమాలు చేయ‌డానికి హీరోలంతా సిద్ధ‌మే. అయితే.. వాళ్లంతా బిజీ బిజీగా ఉన్నారు. ప్ర‌తీ స్టార్ హీరో చేతిలోనూ రెండు మూడు ప్రాజెక్టులు పైప్‌లైన్‌లో ఉన్నాయి. ఇంత బిజీలో హ‌రీష్‌కు డేట్లు ఇవ్వ‌డం మామూలు విష‌యం కాదు. `మిస్ట‌ర్ బ‌చ్చ‌న్‌` సెట్స్‌పై ఉండ‌గానే ఈ రెండు సినిమాల‌కు సంబంధించిన అప్‌డేట్ బ‌య‌ట‌కు వ‌ద‌ల‌డానికి సిద్ధంగా ఉన్నాడు హరీష్.
