అల్లు అర్జున్ పుట్టిన రోజు సంద‌ర్భంగా ఇటీవ‌ల ‘పుష్ష 2’ గ్లింప్స్ విడుద‌లైంది. బ‌న్నీ ఫ్యాన్స్‌కు ఈ టీజర్ పూన‌కాలు తెప్పించింది. అయితే… మిగిలిన ఫ్యాన్స్‌కు అంత‌గా ఎక్క‌లేదు. టీజ‌ర్‌లో డైలాగ్ వినిపించ‌క‌పోవ‌డం పెద్ద లోటు. టీజర్ కూడా హడావుడిగా క‌ట్ చేసిన‌ట్టు అనిపించింది. ఫోక‌స్ అంతా గంగ‌మ్మ జాత‌ర‌పైనే పెట్టారు. మిగిలిన క్యారెక్ట‌ర్ల‌ని ఏమాత్రం ప‌రిచ‌యం చేయ‌లేదు.
అయితే బ‌న్నీ బ‌ర్త్ డేకి 2 వెర్ష‌న్ల‌లో టీజర్ క‌ట్ చేసిన‌ట్టు తెలుస్తోంది. ఒక‌దాంట్లో గంగ‌మ్మ జాత‌ర సెట‌ప్ ఉంటే, రెండోది మిగిలిన ఫుటేజ్‌తో క‌ట్ చేశారు. ఆ టీజ‌ర్‌లో పుష్ష వ‌ర‌ల్డ్ మొత్తం చూపించారు. అయితే.. బ‌న్నీ పుట్టిన రోజున, బ‌న్నీ క్యారెక్ట‌ర్‌ని మాత్ర‌మే హైలెట్ చేయాల‌న్న ఉద్దేశంతో గంగ‌మ్మ జాత‌ర టీజర్ వ‌దిలారు. ఇప్పుడు రెండో టీజర్ కూడా రెడీగానే ఉంది. దాన్ని విడుద‌ల చేయ‌డానికి స‌రైన స‌మ‌యం కోసం ఎదురు చూస్తున్నారు. ‘పుష్ష 2’కి సంబంధించిన పాట‌ల‌న్నీ దాదాపు రెడీ అయిపోయాయి. ముందుగా ఓ పాట వ‌దిలి, ఆ త‌ర‌వాత సిద్ధంగా ఉన్న రెండో టీజ‌ర్‌ని చూపించాల‌నుకొంటుంది చిత్ర‌బృందం. ఆగ‌స్టు 15న ఈ చిత్రాన్ని విడుద‌ల చేయ‌నున్నారు. అంటే..నాలుగు నెల‌ల స‌మ‌యం ఉంది. అందుకే… టీజర్ విడుద‌ల చేసే విష‌యంలో ఏమాత్రం తొంద‌ర‌ప‌డ‌డం లేదు.
