మహేష్ బాబు సినిమా కోసం రాజ‌మౌళి ఎడ‌తెర‌పి లేకుండా క‌ష్ట‌ప‌డుతున్నారు. స్క్రిప్టు ప‌నులు దాదాపుగా కొలిక్కి వ‌చ్చేశాయి. డైలాగ్ వెర్ష‌న్ బాకీ ఉంది. అది కూడా అయిపోతే… ముహూర్తం ఫిక్స్ చేసుకోవొచ్చు. ఏ సినిమా మొద‌లెట్టినా, ముందుగా ఓ ప్రెస్ మీట్ పెట్టి, సినిమా కాన్సెప్ట్ గురించి మీడియాకు చెప్ప‌డం జ‌క్క‌న్న ఆన‌వాయితీ. ఈసారీ అదే చేయ‌బోతున్నాడు. కానీ.. తొలిసారి జ‌క్క‌న్న సినిమా కోసం ఓ కాన్సెప్ట్ వీడియో కూడా రూపొందించే ప‌నిలో ఉన్న‌ట్టు తెలుస్తోంది. క‌థ గురించి, క్యారెక్ట‌ర్ల గురించి చూచాయిగా ఈ కాన్సెప్ట్ వీడియోలో చూపించ‌బోతున్నాడ‌ట రాజ‌మౌళి. అందుకు సంబంధించిన క్రియేటీవ్ వ‌ర్క్ కూడా మొద‌లైంద‌ని స‌మాచారం. మహేష్ మిన‌హాయిస్తే మిగిలిన కాస్టింగ్ ఎవరూ ఫైన‌లైజ్ కాలేదు. ప్ర‌తినాయకుడి పాత్ర కోసం హాలీవుడ్ స్టార్‌ని రంగంలోకి దింపే ప్ర‌య‌త్నాలు జ‌రుగుతున్నాయి. క‌థానాయిక‌ల ఎంపిక కూడా క్లిష్ట‌మైన ప్ర‌క్రియే. ఇవ‌న్నీ ఓ కొలిక్కి వ‌చ్చిన త‌ర‌వాతే.. రాజ‌మౌళి మీడియా ముందుకు వ‌స్తార‌ని స‌మాచారం. మహేష్ లుక్ టెస్ట్ కోసం రాజ‌మౌళి దాదాపు నెల రోజులు కేటాయించార‌ని తెలుస్తోంది. అందుకోసం మేక‌ప్ నిపుణుల‌తో ప్ర‌త్యేక‌మైన స్కెచ్‌లు రూపొందించార్ట. మహేష్ కూడా పాత్ర‌కు అనుగుణంగా త‌న ఫిజిక్ మార్చుకొనే ప‌నిలో నిమ‌గ్న‌మ‌య్యార‌ని స‌మాచారం.
మహేష్ – రాజ‌మౌళి.. ముందే ‘రుచి’ చూపిస్తారా?
