ఆంజ‌నేయుడిగా రానా?

బాహుబ‌లి త‌ర‌వాత రానా ప్ర‌యాణం పూర్తిగా మారిపోయింది. కొత్త కొత్త పాత్ర‌ల‌తో ఆశ్చ‌ర్య‌ప‌రుస్తున్నాడు. త‌న‌కు న‌ప్పే పాత్ర‌లే ఎంచుకొంటున్నాడు. గుణ‌శేఖ‌ర్ ఎంతో ఇష్ట‌ప‌డి రాసుకొన్న హిర‌ణ్య‌క‌శ్య‌ప పాత్ర రానాని వ‌రించింది. తాజాగా మ‌రో మైథ‌లాజిక‌ల్ క్యారెక్ట‌ర్ రానా చెంత‌కు చేరింది. త్వ‌ర‌లో రానా.. ఆంజ‌నేయుడిగా క‌నిపించ‌బోతున్నాడ‌ని టాక్‌. `రావ‌ణ‌` సినిమాని తెర‌కెక్కించాల‌ని మోహ‌న్ బాబు ఫ్యామిలీ ఎప్ప‌టి నుంచో గ‌ట్టిగా క‌స‌ర‌త్తులు చేస్తోంది. రావ‌ణ‌గా మోహ‌న్‌బాబు క‌నిపించ‌బోతున్నారు. కొంత‌మంది బాలీవుడ్ న‌టులు కీల‌క పాత్ర‌లు పోషించ‌య‌నున్నారు. ఇందులో హ‌నుమంతుడి పాత్ర రానాతో చేయించ‌నున్న‌ట్టు తెలుస్తోంది. గ‌త రెండేళ్లుగా ఈ స్క్రిప్టుకు సంబంధించిన ప‌నులు జ‌రుగుతున్నాయి. అంత‌ర్జాతీయ సాంకేతిక నిపుణులు ఈ సినిమా కోసం ప‌నిచేయ‌నున్నారు. ద‌ర్శ‌కుడెవ‌ర‌న్న‌ది ఇంకా తేల‌లేదు. ఓ ద‌శ‌లో రాఘవేంద్ర‌రావు ఈ చిత్రానికి ద‌ర్శ‌క‌త్వం వ‌హిస్తార‌ని ప్ర‌చారం జ‌రిగింది. మోహ‌న్‌బాబుకీ ఈ సినిమాతో ద‌ర్శ‌కుడిగా స‌త్తా చాటాల‌ని ఉంద‌ని తెలుస్తోంది. ద‌ర్శ‌కుడు ఎవ‌రైనా ఆంజ‌నేయ స్వామి పాత్ర రానాకే ద‌క్కింద‌ని స‌మాచారం. మ‌రి ఈ ప్రాజెక్టు ఎప్పుడు సెట్స్‌పైకి వెళ్తుందో, ద‌ర్శ‌కుడు ఎవ‌రో తేలాల్సివుంది.