వైసీపీలో ఇప్పుడు ఓ రకమైన రాజకీయం నడుస్తోంది. టీడీపీ జనసేన పొత్తుతో రాజకీయంపై స్పష్టత రావడంతో చాలా మంది సైలెంట్ అయిపోయారు. అయితే ఇంకా టిక్కెట్ పై ఆశలు పెట్టుకుని.. జ గన్ రెడ్డి గాల్లో వేలాడదీస్తున్న కొంత మంది నేతలు మాత్రం.. పవన్ కల్యాణ్ ను బూతులు తిట్టి టిక్కెట్ ఖరారు చేసుకోవాలన్న తాపత్రయ పడుతున్నారు.
ఇలా చంద్రబాబు , పవన్ జాబితా ప్రకటించగానే అలా రోజా మైక్ ముందుకు వచ్చారు. తన మార్క్ డబుల్ మీనింగ్‌లతో నీలి, కూలి మీడియాకు పంట పండించారు. తర్వాత గుడివాడ అమర్నాథ్ వచ్చారు. ఆయన వెకిలి మాటలతో జగన్ ను సంతృప్తి పరిచేందుకు ప్రయత్నించారు. ఇప్పటికీ వీరిద్దరూ టిక్కెట్లు ఖరారు కాలేదు. గుడివాడ అమర్నాథ్ రాజకీయ జీవితం క్లోజ్ అయిపోయిందని వైసీపీలో గుసగుసలు వినిపిస్తున్నాయి. ముఖ్యమంత్రి కుర్చీలో కూర్చుని పరిశ్రమల ప్రారంభోత్సవాలను చేయడమే దీనికి కారణమని అంటున్నారు. ఆయన చివరి ప్రయత్నంగా నోరు చేసుకుంటున్నారు. ఆయనకు బయట మరో పార్టీలో చాన్స్ దొరికే అవకాశాలు లేవు.
ఇప్పటికే టిక్కెట్ కావాలంటే చంద్రబాబు, పవన్ ను బాగా తిట్టాలనే ఓ సందేశాన్ని పార్టీ నేతలకు పంపారు. టిక్కెట్ ఇస్తే ఇచ్చారు లేకపోతే లేదు అనుకున్న వాళ్లు సైలెంట్ గా ఉంటున్నారు. నిండా మునిగిన వాళ్లు మాత్రం తమ ప్రయత్నాలు తాము చేసుకుంటున్నారు. పవన్ పై బూతులందుకుంటున్నారు. మొత్తంగా వైసీపీలో ఓ బ్యాచ్ మాత్రమే నోరు తెరుస్తున్నారు. జగన్ రెడ్డి టిక్కెట్లు ప్రకటించిన తర్వాత వారి ముఖచిత్రాలను.. టీడీపీ, జనసైనికులు హేళన చేసే అవకాశం ఉంది.
