భీమ్లా నాయ‌క్‌, బింబిసార, సార్‌, విరూపాక్ష…. ఇలా తెలుగులో మంచి విజ‌యాల్ని త‌న ఖాతాలో వేసుకొంది సంయుక్త మీన‌న్‌. ప్ర‌స్తుతం నిఖిల్, శ‌ర్వానంద్ చిత్రాల్లో క‌థానాయిక‌గా న‌టిస్తోంది. సౌత్‌లో బిజీగా ఉన్న క‌థానాయిక‌ల‌పై బాలీవుడ్ ఎప్పుడూ ఓ క‌న్నేస్తుంటుంది. వాళ్ల చూపు ఇప్పుడు సంయుక్త‌పై ప‌డింది. ఈ ముద్దుగుమ్మ‌కు బాలీవుడ్ నుంచి ఓ క్రేజీ ఆఫర్ వ‌చ్చింది. ఇప్పుడు అందుకోస‌మే… సంయుక్త ముంబై ఫ్లైట్ ఎక్కింది. ఈరోజు సంయుక్త లుక్ టెస్ట్ లో పాల్గొన‌బోతోంది. అన్నీ ఓకే అయితే, ఈ వారంలోనే ఈ సినిమాకు సంబంధించిన ఓ అప్ డేట్ రావ‌డం ఖాయం.
టాలీవుడ్ లో యంగ్ హీరోల‌కు సంయుక్త ఓ మంచి ఆప్ష‌న్‌. ప‌ద్ధ‌తైన పాత్ర‌లు చేస్తూనే, అప్పుడ‌ప్పుడూ గ్లామ‌ర్ ఒలికిస్తుంటుంది. పైగా పారితోషికం విష‌యంలోనూ పేచీ పెట్ట‌ద‌ని టాక్‌. ప్ర‌మోష‌న్ల‌కు కూడా అందుబాటులో ఉంటుంది. అందుకే తెలుగులో ఇన్ని అవ‌కాశాల్ని చేజిక్కించుకొంటోంది. బాలీవుడ్ లోనూ ఎంట్రీ ఇచ్చేస్తే.. సంయుక్త క్రేజ్ మ‌రింత‌గా పెర‌గ‌డం ఖాయం.
